Mix-liðið hjá okkum (2006, SSF) megnaði í dag at svimja seg til úrslitið 4:12.80 og eina plasering sum nr 29 av 38 í 4×100 blandað, nú á HM 2025 í Singapore. Harvið rukku tey málsetningin hjá okkum til hesa stevnu, at klára kravið til stig 2 í Úrvalsskipan ÍSF, sum er topp-32 á HM, EM ella OL. Sí úrslitalistan her á omegatiming.com
Isak D. Brisenfeldt (2006, HS) megnaði í dag at svimja seg til úrslitið 2:08.55 og eina plasering sum nr 41 av 47 í 200 blandað, nú á HM 2025 í Singapore. Besta tíð hjá honum nakrantíð, er 2:07.18 frá EM U23 í juni mánaða. Sí úrslitalistan her á omegatiming.com
Bjarta í Lágabø (2009, SuSvim) megnaði í dag at svimja seg til úrslitið 31.79 og eina plasering sum nr 53 av 63 í 50 rygg, nú á HM 2025 í Singapore. Besta tíð hjá henni nakrantíð, er 30.67 frá Reykjavík International Games í januar mánaða. Sí úrslitalistan her á omegatiming.com
Líggjas Joensen (2008, Ægir) megnaði í dag at svimja seg til úrslitið 8:21.60 og eina plasering sum nr 24 av 26 í 800 frí, nú á HM 2025 í Singapore. Hetta er ruddiliga undir kravið til at verða á stigi 2 í Úrvalsskipan ÍSF. Sí úrslitalistan her á omegatiming.com
Isak D. Brisenfeldt (2006, HS) megnaði í dag at svimja seg til úrslitið 2:04.17 og eina plasering sum nr 32 av 37 í 200 firvald, nú á HM 2025 í Singapore. Hetta er eksakt kravið til at verða á stigi 2 í Úrvalsskipan ÍSF. Sí úrslitalistan her á omegatiming.com
Lea Osberg Højsted (2008, Ægir) royndi seg í morgun í 100 metra bringusvimjing á HeimMeistarastevnuni 2025 í Singapore, og varð har nr 48 av 56 við tíðini 1:13.19. Sí úrslitalistan her á omegatiming.com
Bjarta í Lágabø (2009, SuSvim) royndi seg í morgun í 100 metra ryggsvimjing á HeimsMeistarastevnuni 2025 í Singapore, og varð har nr 54 av 56 við tíðini 1:09.15. Sí úrslitalistan her á omegatiming.com
Í morgin ári skulu tær báðar Bjarta í Lágabø (2009, SuSvim) og Lea Osberg Højsted (2008, Ægir) royna seg, Bjarta í 100 rygg og Lea í 100 bringu. Sí startlistarnar her á omegatiming.com – Bjarta verður fyrsta at royna seg, í fyrsta riðli í fyrstu kapping, sum eftir ætlan byrjar kl 10:02 Singapore tíð, ella kl 03:02 í Føroyum.
Her ber til at lesa um møguliga sjónvarping frá HM 2025. Úr Føroyum burdi borið til at hugt ókeypis at stroymingini her hjá Eurovision Sport.
ST ásetti í 2021 dagin 25. juli at verða altjóða dagur til fyribyrging av druknivanlukkum. WHO mælir í ár til at deila søgur ísv druknivanda, tí at tín søga kann bjarga lívum. Í Svimjisambandinum arbeiða vit í ár við stuðli frá Betri til at fáa meira útgerð til vega, til fólk at kunna venja og taka roynd í lívbjarging. Sí WHO
Luttakaralistarnir til HM 2025 síggjast nú her á Omegatiming, sum sjálvsagt benda á harða kapping. Tilsamans eru tey 1027 svimjarar (583 menn og 444 kvinnur) og 210 lið (stafettir) úr 203 londum sum fara at kappast hesar 8 dagarnar í Singapore.
