Eitt áhugavert brot her, har Bob Bowman greiðir frá munin á at venja Michael Phelps og Leon Marchand, sum báðir eru svimjarar ið Bowman lyfti upp til legendu-støði.
Jón aftur venjari í SuSvim
Tað frættist úr Suðuroy, at tey í dag hava skrivað sáttmála við Jón Bjarnason, at verða høvuðsvenjari aftur hjá Suðuroyar Svimjifelag. Jón hevur verið burturi frá felagnum har suðuri í eina tíð, men hevur tó verið virkin í svimjingini, sum lærari á Ítróttaháskúlanum í Suðuroy, og sum landsliðsvenjari og limur í svimjinevnd SSF.
Svimjiskúlaskeið fyri íslendingar og føroyingar í Reykjavík í oktober
Íslendska svimjisambandið verður í oktober vertur fyri svimjiskúlaskeiði hjá European Aquatics, sum er partur av átakinum Swim Safe Europe, til at styrkja um svimjiundirvísingina til børn frá 3 til 12 ára aldri. Hetta fyrsta skeiðið er fyrst og fremst ætlað íslendskum og føroyskum venjarum, lærarum og instruktørum, og verður fyrst fýra tímar á netinum og síðani eitt vikuskifti í Reykjavík. Sí sundsamband.is
Melda til her á eaacademy.eu
World Cup 2026 verður eftir Silkivegnum
World Aquatics kunngjørdi á aðalfundinum í síðstu viku, at World Cup 2026 verður “the Silk Road World Cup 2026”, har tær tríggjar stevnurnar verða ávikavíst í Baku, Aserbadjan, Tashkent í Usbekistan og Astana í Kasakstan. Hetta er fyrstu ferð at hesi londini skipa fyri slíkum stevnum, tó so at Baku í 2015 skipaði fyri stórslignu European Games.
HM á stuttgeil 2026 verður í Beijing
World Aquatics kunngjørdi á aðalfundinum í síðstu viku, at HM á stuttgeil 2026 verður í Beijing í Kina, vælsagtans sum vanligt í desember mánaða. Hetta verður triðju ferð at HM á stuttgeil er í Kina, aftaná Shanghai 2006 og Hangzhou 2018, umframt at HM á langgeil 2011 var í Shanghai, og sjálvsagt OL í Beijing í 2008.
Úttøkuskipan til EMS 2025 í Lublin, Póllandi
Her er úttøkuskipanin til EM á stuttgeil 2025 í Lublin í Póllandi hin 2. til 7. desember 2025, sum samtykt av starvsnevnd SSF
Vegna starvsnevnd SSF
Vinarliga
Rókur
Úttøkuskipan til NM/NJM 2025 í Reykjavík
Her er úttøkuskipanin til NM/NJM 2025 í Reykjavík í Íslandi hin 28. til 30. november 2025, sum samtykt av starvsnevnd SSF
Vegna starvsnevnd SSF
Vinarliga
Rókur
Í morgin fáa vit smekk :-)
Av tí at so nógv lond hava meldað til 4×100 frí uttan tilmeldingartíð, so eru vit við lutakasti endaði mitt í einum riðli, sum inniheldur alt sum kann grulva og ganga av heimsins bestu liðum, íroknað heiðursmerkjavinnararnar frá HM 2024.
Hesi eru úrvalssvimjarar SSF
Listin byrjar at leingjast yvir úrslit sum kvalifisera okkum til stuðul úr úrvalsskipanini hjá Úrvali/ÍSF. Við fyrivarni fyri møguligum feilum og forgloymilsum, burdi hetta verið listin beint nú …
Svimjingin kann nú søkja um nógv meira úr Úrvalsskipanini
Ávaring: Her verður nokk so nógv rokning og hartil í ávísan mun gitingar, til at meta um hvussu nógv Svimjisambandið kann søkja úr Úrvalsskipanini til í 2026. Talan er um nýggja skipan, og vit kenna tí ikki enn allar krókar í henni.
