18 ára gamli Filip Nowacki av Jersey megnaði í gjár at vinna silvur í 100 metra bringusvimjing á Commonwealth Games 2026 í Glasgow, í óførum dysti við millum annað sjálvan Adam Peaty. Avstralski Sam Williamson tók gullið og Peaty mátti taka til takkar við bronsu.
Tað eru 36 ár síðani at Jersey hevur vunnið heiðursmerki í nakrari ítróttargrein á hesum leikum. Tá var tað ein skjútti sum vann í rifluskjóting.
Frá 20:05 í hesari videoini …
Í dag er altjóða druknivanlukkufyribyrgingardagur, í ár við slagorðunum “United We Turn the Tide“. Her er stutt video hjá WHO í sambandi við dagin.
Føroysku úrslitini á EJM 2026 síggjast nú her á SwimRankings, umframt øll úrslitini her á SwimRankings og her á EuropeanAquatics.com. Frægasta úrslit var tá ið Líggjas rakk hálvfinalu við 1:50.53 í 200 frí. Persónlig met vóru Silas 1:57.03 í 200 frí, og Lea 59.48 í 100 frí.
Isak Brisenfeldt (2006, HS) megnaði í gjár tvær ferðir at seta føroyskt met í 100 metra frísvimjing á langgeil, tá ið hann fyrst í innleiðandi riðlunum svam seg til úrslitið 51.41 sekund, og síðani í B-finaluni til úrslitið 50.87 sekund. Bartal E. Eidesgaard (2003, HS) átti føroyska metið á 51.50 sekund, frá Swim Open Tórshavn í vár.
Isak Brisenfeldt (2006, HS) megnaði í dag at seta stórt nýtt føroyskt met í 200 metra firvaldasvimjing á langgeil, tá ið hann í A-finaluni á donsku meistarastevnuni vann gull við tíðini 2:02.28. Hann átti sjálvur føroyska metið á 2:03.85, frá Danish Open í fjør. Sí úrslitalistan her á Swimify
Í dag var Lea Osberg Højsted (2008, Ægir) eftir øllum at døma einasti føroyski svimjari sum royndi seg á EJM 2026, og var tað til 2:41.30 og 37. pláss av 39. luttakandi í 200 metra bringusvimjing. Hon eigur føroyska metið á 3:36.32, frá Danish Open í fjør. Sí úrslitalistan her á europeanaquatics.org
Í dag gekk upp og niður hjá okkara svimjarum á EJM 2026. Silas og Lea svumu niður ímóti sínum bestu tíðum í ávikavíst 200 blandað og 50 frí, men Líggjas var langt frá sínari bestu tíð í 1500 frí. Sí úrslitalistarnar her á europeanaquatics.org
Líggjas Joensen (2008, Ægir) royndi seg í gjárkvøldið í hálvfinaluni í 200 metra frísvimjing á EJM 2026, og svam seg tá til úrslitið 1:54.18, í mun til innleiðandi tíðina á 1:50.53. Sí úrslitini her á europeanaquatics.org
Danska svimjisambandið skipar nú í vikuni fyri árligu donsku meistarastevnuni á langgeil, í Herning frá hósdegi 9. til sunnudag 12. juli 2026. Úr Føroyum luttekur í øllum førum Isak Brisenfeldt (2006, HS), sum á stevnuni umboðar Aalborg Svømmeklub. Luttøkan hjá Isaki sæst her á Swimify
Okkara svimjarar hava nú allir roynt seg á EJM 2026, og gekk tað heilt væl. Líggjas svam seg víðari til hálvfinalu í 200 frí, Silas setti persónligt met í somu kapping, og øll trý hava svomið upp ímóti sínum bestu tíðum.
