Dansk Råd for Genoplivning gevur í dag út tilmæli til hjartastartarar, nú meira enn 26.000 hjartastartarar eru settir upp í Danmark, uttan at national tilmæli finnast. Tøl frá Bornholm í 2022 benda á, at umleið fimti hvør hjartastartari ikki riggaði, tá ið tørvur var á honum, so hesi 10 boðini eru sikkurt verd at skimma ígjøgnum.
Her eru úrslitini frá EvropaMeistarastevnuni 2026 í París, Fraklandi. Føroysku svimjararnir megnaðu at seta 2 føroysk landsliðsmet, í harðari kapping har m.a. 3 heimsmet vórðu sett, umframt 8 evropamet og 32 stevnumet.
Í morgin ári byrjar svimjistevnan á EM 2026, við luttøku av eisini fýra føroyskum svimjarum. Startlistarnir síggjast her á omegatiming.com, har vit m.a. síggja, at teir í morgin skulu royna seg í 4×200 metra frísvimjing, kl 11:35 franska tíð.
18 ára gamli Filip Nowacki av Jersey megnaði í gjár at vinna silvur í 100 metra bringusvimjing á Commonwealth Games 2026 í Glasgow, í óførum dysti við millum annað sjálvan Adam Peaty. Avstralski Sam Williamson tók gullið og Peaty mátti taka til takkar við bronsu.
Tað eru 36 ár síðani at Jersey hevur vunnið heiðursmerki í nakrari ítróttargrein á hesum leikum. Tá var tað ein skjútti sum vann í rifluskjóting.
Frá 20:05 í hesari videoini …
Í dag er altjóða druknivanlukkufyribyrgingardagur, í ár við slagorðunum “United We Turn the Tide“. Her er stutt video hjá WHO í sambandi við dagin.
Føroysku úrslitini á EJM 2026 síggjast nú her á SwimRankings, umframt øll úrslitini her á SwimRankings og her á EuropeanAquatics.com. Frægasta úrslit var tá ið Líggjas rakk hálvfinalu við 1:50.53 í 200 frí. Persónlig met vóru Silas 1:57.03 í 200 frí, og Lea 59.48 í 100 frí.
Isak Brisenfeldt (2006, HS) megnaði í gjár tvær ferðir at seta føroyskt met í 100 metra frísvimjing á langgeil, tá ið hann fyrst í innleiðandi riðlunum svam seg til úrslitið 51.41 sekund, og síðani í B-finaluni til úrslitið 50.87 sekund. Bartal E. Eidesgaard (2003, HS) átti føroyska metið á 51.50 sekund, frá Swim Open Tórshavn í vár.
Isak Brisenfeldt (2006, HS) megnaði í dag at seta stórt nýtt føroyskt met í 200 metra firvaldasvimjing á langgeil, tá ið hann í A-finaluni á donsku meistarastevnuni vann gull við tíðini 2:02.28. Hann átti sjálvur føroyska metið á 2:03.85, frá Danish Open í fjør. Sí úrslitalistan her á Swimify
Í dag var Lea Osberg Højsted (2008, Ægir) eftir øllum at døma einasti føroyski svimjari sum royndi seg á EJM 2026, og var tað til 2:41.30 og 37. pláss av 39. luttakandi í 200 metra bringusvimjing. Hon eigur føroyska metið á 3:36.32, frá Danish Open í fjør. Sí úrslitalistan her á europeanaquatics.org
Í dag gekk upp og niður hjá okkara svimjarum á EJM 2026. Silas og Lea svumu niður ímóti sínum bestu tíðum í ávikavíst 200 blandað og 50 frí, men Líggjas var langt frá sínari bestu tíð í 1500 frí. Sí úrslitalistarnar her á europeanaquatics.org
