Schubert sigur ‘Vel pengarnar ella gullmedaljuna’

Tiltikni amerikanski venjarin Mark Schubert er ógvuliga bersøgin, tá ið tað kemur til nýggju Speedo LZR Racer draktina: There is no doubt the suit makes a difference and there is no doubt that there is one manufacturer that’s put millions into research while the other manufacturers are more into fashion. Lesið her á SwimNews.

Greinin sigur eisini greitt frá tí sum eg longu einaferð havi kallað fyri snýt. Tað er ikki so nógv onkur møgulig uppdrift í draktini sum er trupulleikin (ella fyrimunurin, alt eftir hvussu man sær uppá tað), men heldur tann mátin sum draktin stívir miðjuna av á svimjaranum.

Vekk er trupulleikin við at halda kropping streymlinjaðan samstundis sum man setir max á við ørmum og beinum, og tí kunnu svimjararnir meira ella minni bara tonsa avstað. Og opinbart er ein síðueffekt av hesum, at beinini ikki longur troyttast á sama hátt sum fyrr. “‘I have massive legs that can weigh heavy at the end of a race, but with this suit, I don’t feel that effect at all”, sigur amerikanski sprintarin Rachel Komisarz t.d. í Manchester.

Og tí sigur Schubert, at amerikanska svimjisambandið má hugsa um heiðursmerki heldur enn um pengar, tá ið tað kemur til nýggju draktina. Eingin hevur ráð at siga nei til tey 2 prosentini sum hesir nýggju heimsmethavarar eru blivnir betri við at fara í LZR Racer. Hann er ikki ímóti draktini, men sigur heldur at hinir framleiðararnir bara mugu taka seg saman, heldur enn at grenja.

Lesið á SwimNews: http://www.swimnews.com/News/displayStory.jhtml?id=6028