Tað er nú 12. til 14. mars at FINA møtist í Dubai, at viðgera nýggja reglugerð um ‘superdraktir’ fyri aðru ferð, og vónandi samtykkja hana. Hetta eru stórtíðindi eisini uttan fyri okkara egnu miðlar sum t.d. SwimmingWorld Magazine, har til dømis Los Angeles Times, The Canadian Press og gulfnews.com skriva, og har niðurstøðan sum heild tikist at vera, at FINA hevur forpassað kjansin at broyta støðuna uttan at tað verður eitt ‘sirkus’. Hvat skal man til dømis gera við metini sum longu standa, og er tað veruliga so at man t.d. skal hava telduflísar í draktirnar, til at tryggja at talan er um góðkenda drakt?