Pál til Mare Nostrum í juni, at kappast ímóti alheims stjørnum

Vit hava fyrr skrivað um Mare Nostrum 2010 her, at tær tríggjar stevnurnar í Barcelona, Canet og Monaco í ár fara at vera á tremur við svimjistjørnum. Og nú ber til at lesa á SwimNews.com, at eisini “Faroe Islands” fara at luttaka, á stevnunum millum nøvn sum Eamon Sullivan, Alain Bernard, Brent Hayden, Paul Biedermann, Yannick Agnel, Coralie Balmy, Zhang Lin, Kosuke Kitajima, Rebecca Sony, Jessica Hardy, Oussama Mellouli, Therese Alshammar, Natalie Coughlin, Aaron Piersol og Eric Shanteau. Føroyska luttøkan er Pál Joensen, sum fer at brúka hesar stevnur til at fyrireika seg til evropameistarastevnuna í Budapest í summar.