Amerikanska svimjisambandið fráboðar her á usaswimming.org, at tey hava tikið út 42 svimjarar til HM á langgeil í Shanghai í summar, íroknað Michael Phelps og Ryan Lochte. Onnur kend nøvd eru til dømis Natalie Coughlin, Rebecca Soni, Amanda Beard, Jason Lezak, Dana Vollmer, Tyler Clary, Eric Shanteau og Ariana Kukors, men størsti innanhýsis spenningur er óivað um tær tvær ferðir tá ið Phelps og Lochte stoyta saman, í 200 frí og 200 blandað. Yvirlit yvir liðið sæst her, við upplisting av hvat ið tey skulu svimja.