Minnist til trygdina, og serliga umsjón !

Tíðliga mánamorgunin ‘after pool hours’ var 22 ára gamli James Rigg funnin druknaður í svimjideplinum hjá Arizona State University, sambært líkskeranum deyður av ‘accidental drowning’, hóast hann var fyrrverandi úrvalssvimjari har og sambært venjarum sínum “a phenomenal underwater athlete”. Les SwimmingWorld Magazine.

Og síðsta hósdag forsvann 42-ára gamli svenski films-instruktørurin Daniel Lind Lagerlöf, eftir øllum at døma tí at hann datt á sjógv og bleiv sogin burtur av streyminum við Tanumshede. Hann hevur millum annað gjørt fleiri partar av krimirøðunum Beck og Wallander, og var nú á uppgávu har úti á klettunum, at gera research til eina nýggja krimi. Løgin søga annars afturat hesum, at tá ið løgreglan leitaði eftir honum, komu tey fram á kropslutir sum tey meta vera ein brotsgerð. Les t.d. Goteborg Daily.

Men tað sum eg royni at siga við hesum, er at vit øll mugu ansa eftir trygdini og umsjónini, allastaðni nær vatni, líka mikið hvussu væl vit halda okkum duga at svimja. Til dømis er tað láturligt at síggja vaksin koyra bjargingarvestar á børnini og ikki seg sjálvi, tí hvat skulu børnini gera um tú dettur á sjógv og smekkar teg í so at tú fellur í óvit? Annað enn at vera vitni til at tú søkkur og druknar … ella eventuelt ‘sleppa’ at royna at hjálpa tær men ikki orka, við einum sundursmildraðum lívi víðari sum úrslit ?

Hugsið um trygdina, og serliga umsjónini. Vatnið er eitt tað besta spæliplássið sum vit eiga, men ófyrigeviligt um tú missur vitið í tí. Altíð minst éin vaksin við, og helst tvey har annað ikki tekur nakrar kjansir.