Birita Debes setti fyri løtu síðani stórt nýtt føroyskt met í 50 metra ryggsvimjing á langgeil, tá ið hon í innleiðandi riðlunum á Danish Open 2013 svam teinin uppá 30.12 sekund, har metið hjá henni frá EM í Debrecen í fjør var 30.60. Sí úrslitalistan her á livetiming.dk. Hon er sostatt víðari til finalu seinnapartin við næstbestu tíð, og nú væl nærri kravtíðini hjá FINA til HM í Barcelona á 29.85 sekund. DR sjónvarpar beinleiðis á netinum frá finalunum á Danish Open 2013, við føroyavininum René Thomsen sum viðmerkjara.
