Óli Mortensen luttók í morgun í 1500 metra frísvimjing á World Cup stevnuni í Moskva, og varð hann har nummar 5 av teimum 11 sum svumu uttanfyri sjálva finaluna, ella 13 av 19 um vit telja finaluna við. Tíðin hjá honum 15:31.79 var aftur í dag ikki so langt frá hansara bestu tíð, sum er 15:24.32 frá NJM í Vaasa í fjør.
Skjótastur var 97-arin Li Yongwei úr Kina við 15:23.80, næstskjótastur 97-arin Nikolay Chaplinskiy úr Russlandi sum svam 15:30.69. Aftanfyri var Yao Jie Oh úr Singapore sum svam 16:24.55.