Aftur í dag gekk tað gott hjá Magnusi Jákupssyni á Svenska Simspelen 2013 í Väsby; í 50 rygg vann hann gull við nýggjum stevnumeti 24.64, og í 200 rygg vann hann eisini gull við tíðini 1:58.09, so at hann tilsamans hevur vunnið gull á øllum trimum ryggteinum, umframt silvur í 50 firvald. Magnus varð eisini heiðraður fyri besta mannliga avrik á stevnuni, fyri vinnaratíðina 52.63 í 100 metra ryggsvimjing í gjár, sum gevur 804 FINA stig.
