Magnus Jákupsson megnaði aftur í morgun at svimja seg víðari til finalu, tá ið hann í innleiðandi riðlunum á MOM Marseille 2014 svam 100 firvald uppá 56.34 sekund, sum var 10. besta tíð í innleiðandi og nokk til eitt pláss í B-finaluni í kvøld. Frans Johannesen royndi seg í 400 metra frísvimjing, har hann megnaði at svimja 4:08.27 og 18. bestu tíð. Og teir báðir donsku føroyingarnir royndu seg eisini í 50 frí, har teir endaðu á júst somu tíð, 24.59 og eitt 21. pláss.