Pál Joensen hevur júst luttikið í 400 metra frísvimjing, og varð har nr 7 av teimum 8 í finaluni, við tíðini 3:53.03. Eitt gott sekund skjótari enn hansara 3:54.29, og 2 plaseringar betri eisini.
Continue reading Pál 3:53.03 og nr 7 í 400 frí á Mare Nostrum í Canet
Sum tit kunnu lesa her á liveffin.com, so er Pál Joensen í A-finalu á Mare Nostrum stevnuni í Canet, tá ið teir klokkan 17:27 føroyska tíð svimja finalu í 400 metra frísvimjing. Hann var annars við 9. bestu tíð akkurát uttanfyri finaluna í morgun, men sleppur í hana tí at bretski Max Litchfield hevur meldað frá. Finalurnar kunnu síggjast beinleiðis í sjónvarpinum, til dømis á danska TV2 Sporten.
Nú er fyrsti stevnupartur um at vera liðugur á Mare Nostrum stevnuni í Canet-en-Roussillon, og allir føroyingarnir hava roynt seg. Astrið hevur sett persónligt met í 50 metra frísvimjing, og Pál var líka við at koma í A-finaluna í 400 metra frísvimjing.
Continue reading Fyrstu riðlar avgreiddir á Mare Nostrum í Canet
Eitt ferðalið fór í morgun úr Vágum til Barcelona, at venja og luttaka á Mare Nostrum stevnunum fyrst í Canet-en-Roussillon í Suðurfraklandi, og síðani í Barcelona. Hartil kemur Pál Joensen, sum millum annað í Canet skal kappast ímóti kanadiska Ryan Cochrane í 1500 frí, við næstbestu tíð av øllum.
