So er tað í dag kl 22:15 føroyska tíð, at setanarhátíðin til Paralympisku Leikir 2016 byrjar, í Rio de Janeiro. Og tað fer at bera væl við at fylgja við føroysku Kristu Mørkøre og restini, tí IPC hevur valt at stroyma meira ella minni alt beinleiðis á síni DailyMotion rás, umframt á YouTube, íroknað setanar- og endahátíð, og alla svimjistevnuna.
Her verður setanar- og endahátíð stroymað
Og her er rásin ið stroymar svimjistevnuna í Rio
Eisini Føroyar eru umboðaðar, við ÍSB-svimjaranum Kristu Mørkøre úr Ægir.
Hon er tilmeldað í hesum greinum:
- 50 frí innleiðandi 9. sep kl 10:20 lokala tíð, 14:20 í Føroyum
- 100 frí innleiðandi 13. sep kl 10.26 lokala tíð, 14:22 í Føroyum
- 400 frí innleiðandi 15. sep kl 10.14 lokala tíð, 14:14 í Føroyum
Her eru viðkomandi stroymingar á YouTube
Sí annars paralympic.org, ið sjálvsagt ger nógv burtur úr leikunum, umframt isb.fo