Jana Bjartalíð Thomsen setti í morgun stórt nýtt føroyskt met og juniormet í 200 metra firvaldasvimjing á langgeil, tá ið hon á SuSvim-stevnuni í Páls Høll í Vági svam teinin uppá 2:28.40. Jana er árgang 2000 og svimur fyri Ægir.
Sára Ryggshamar Nysted úr Suðuroyar Svimjifelag átti bæði føroyska metið og juniormetið á 2:29.98, frá SuSvim-stevnu í januar mánaða í ár. Besta tíð hjá Janu var 2:30.51 áðrenn hetta, frá Reykjavík International í januar mánaða.