Juniordreingirnir hjá Havnar Svimjifelag settu í dag stórt nýtt føroyskt met í 4×100 metra blandaðari svimjing á langgeil, tá ið teir á SuSvim-stevnuni í Vági svumu teinin uppá 4:27.12. SuSvim-dreingir áttu metið á 4:32.57, frá SuSvim-stevnuni í februar mánaða.
Teir sum settu metið fyri HS í dag, vóru Óðin Jákupsson (2002, 1:10.41 í 100 rygg), Bartal E. Eidesgaard (2003, 1:15.59 í 100 bringu), Johan N. Dam (2002, 1:02.02 í 100 firvald) og Høgni H. Thomassen (2002, 59.10 í 100 crawl).