Føroyska liðsvimjingin í 4×200 frí fyri kvinnur setti í gjárkvøldið flott nýtt føroyskt met, tá ið tær á Norðurlendsku Meistarastevnuni á stuttgeil 2019 í Tórshavn svumu seg til eitt fjórðapláss í tíðini 8:26.81, einans 1,52 sekund aftanfyri bronsutíðina hjá Estlandi á 8:25.29.
Tær sum svumu fyri Føroyar, vóru Vár E. Eidesgaard úr HS, Signhild Joensen og Barbara Debes úr Ægir og Alisa Vestergård úr SuSvim. Gamla metið var 8:29.72 frá NM í Bergen í 2015, og var hetta sostatt ein betring á heili 2,91 sekund.
![](https://i0.wp.com/www.svimjing.com/wp-content/uploads/2019/11/76751410_593133948124853_1489428374022520832_n-600x450.jpg?resize=600%2C450)