Vár Erlingsdóttir Eidesgaard setti í gjár stórt nýtt føroyskt met í 400 metra frísvimjing á stuttgeil, og vann sær norðurlendskt silvurheiðursmerki, tá ið hon í finaluni á Norðurlendsku Meistarastevnuni í Tórshavn svam hendan teinin í tíðini 4:14.59.
Vár átti sjálv føroyska metið á 4:17.18, frá tá ið hon í summar vann gull á Oyggjaleikum á Gibraltar, so hetta var ein flott betring á 2,59 sekund. Vár er úr Havnar Svimjifelag.
![](https://i0.wp.com/www.svimjing.com/wp-content/uploads/2019/11/78158989_533374650549954_4175274292696580096_n-448x600.jpg?resize=448%2C600)