Altjóða svimjisambandið FINA hevur dagført sína kravtíðarskipan til Olympisku Leikir 2020 í Tokyo í 2021, sum skilst serliga so at kravtíðarskeiðið hjá einstaklingum nú er frá hin 1. mars í 2019 til hin 27. juni í 2021, og kravtíðarskeiðið hjá liðsvimjingum (stafettum) nú er frá hin 1. mars í 2019 til hin 31. mars í 2021.
![Night View with Tokyo Tower Special Lightup (Shibakouen, Tokyo, Japan) by t-mizo tokyo olympics photo](https://i0.wp.com/www.svimjing.com/wp-content/uploads/2020/07/8537200184_ee2a7f1b50_b_tokyo-olympics.jpg?w=660)
![](https://i0.wp.com/www.svimjing.com/wp-content/plugins/wp-inject/images/cc.png?w=660)
Kravtíðirnar skulu klárast á serliga útvaldum stevnum; men er øll hendan kravtíðarskipanin eitt sindur óviðkomandi fyri okkum føroyingar, av tí at tað enn eru danir sum seta treytirnar fyri eisini føroyskari luttøku á Olympisku Leikum, íroknað hvørjar stevnur sum kravtíðirnar kunnu klárast á. Til nú í 2020 vóru donsku úttøkustevnurnar Danish Open og Swim Open Stockholm, ið sum kunnugt báðar vórðu avlýstar vegna koronafarsóttina.