Signhild Joensen royndi seg nú fyri løtu síðani í 200 metra ryggsvimjing Evropameistarastevnuni 2021 í Budapest, og varð har nummar 32 av 36 við tíðini 2:18.50. Hetta er besta tíð sum Signhild hevur svomið í hesi grein í ár, har hennara allarbesta tíð er føroyska metið á 2:14.01 frá Danish Open í 2017. Sí úrslitalistan her
![](https://i0.wp.com/www.svimjing.com/wp-content/uploads/2021/05/budapest2021-signhild-rannva-1200.jpg?resize=600%2C429&ssl=1)
Hörður J. Oddfríðarson eigur myndina
Hetta var triðja og síðsta grein hjá Signhild á hesum EM, undir heldur serligum umstøðum, vegna koronaavmarkingar og tað at hon eisini tí endaði við at verða einsamallur luttakari úr Føroyum. Nú kunnu tær báðar í Budapest njóta síðstu kappingar á hesi stevnum, áðrenn leiðin gongur norðureftir aftur mánadagin.