Í morgin er aðalfundur í altjóða svimjisambandinum FINA, har er eisini umboð úr Føroyum er til staðar. Á skránni er serliga val av nýggjum forseta og starvsnevnd, har Dr. Julio C. Maglione úr Uruguay leggur frá sær eftir 12 ár sum forseti fyri FINA.
![](https://i0.wp.com/www.svimjing.com/wp-content/uploads/2021/06/ra79587.jpg?resize=600%2C335&ssl=1)
Aðalfundurin er skipaður soleiðis at tað ber til at luttaka við at møta upp, ella við at vera við á netinum. Tað fall soleiðis út, at eini 119 limalond eru til staðar, meðan eini 102 fara at luttaka heiman í frá, harav okkurt land ger bæði. Lesið her á heimasíðu FINAó.
Úr Norðanlondum eru vit í øllum førum, Svøríki, Finnland, Estland og Føroyar, sum eru umboðaði á staðnum, við einum ella tveimum umboðum í part. Eg meini at í øllum førum Danmark, Noregi og Ísland verða verandi heima, og veit ikki beint nú um Lettland og Litava.
Aðalfundurin er í Doha í Qatar, við strongum koronareglum. Tað kravdi eina serliga innbjóðing frá myndugleikunum, til at sleppa higar; vit skuldu aktivera okkurt serligt app soleiðis at myndugleikarnir vit hvar vit eru, og vit eru í serligari ‘boblu’, stongd vekk frá restini av Qatar.
![](file:///var/mobile/Containers/Data/Application/61D3192C-52ED-4BB0-A270-A645ABA874C2/Library/Caches/Media/thumbnail-p10336-2224x2224.jpeg)
Beint nú eri eg í sóttarhald á kamarinum, til tær báðar PCR-testirnar sum tey tóku seint gjáranáttina, vónandi eru negativar. Men tað er OK umstøður – matur kemur á kamarið, og útsiktin er ikki at forakta. Øll verða testað, og tað kravdi eisini PCR-test at sleppa í flúgvaran higar.
Annars trist at hoyra hvussu støðan er versnað í Føroyum, við korona. Frætti fyrst um tað, tá ið eg var komin á kamarið í nátt, so eg dugi enn illa at siga, um hvussu verður við Atlantic Open, næsta vikuskifti. Sjálvur missi eg vælsagtans í øllum førum fyrsta dag, vegna sóttarhald.
Vinarliga
Rókur