Elisabeth Erlendsdóttir setti fyri løtu síðani flott nýtt føroyskt juniormet í 50 metra ryggsvimjing á stuttgeil, tá ið hon í finaluni á Norðurlendsku JuniorMeistarastevnuni 2021 í Upplands Väsby í Svøríki svam teinin uppá 28.63 sekund.
![](https://i0.wp.com/www.svimjing.com/wp-content/uploads/2021/12/260815762_1298753387232590_2949621603868218347_n_DxO.jpg?resize=450%2C600&ssl=1)
Signhild Joensen átti juniormetið á 28.75 frá Norðurlendsku JuniorMeistarastevnuni í Reykjavík í 2017, meðan Birita Debes eigur føroyska metið á 28.51 frá HM á stuttgeil í Istanbul í 2012.
Elisabeth er úr Havnar Svimjifelag. Tíðin rakk til eitt sættapláss í finaluni nú í Upplands Väsby , sum er sera gott, havandi í huga at hon áðrenn kappingina varð styrkismett til eitt pláss sum nr 14 millum tær 26 tilmeldaðu.
Sí úrslitalistan her á livetiming.se