Á aðalfundinum hjá ÍSF í gjár varð endaliga staðfest, at eingin føroysk luttøka verður á European Youth Olympic Festival 2022, sum annars verður í Banská Bystrica í Slovakia hin 24. til 30. juli 2022.
![](https://i0.wp.com/www.svimjing.com/wp-content/uploads/2022/05/Banska_Bystrica_-_Namestie_SNP_004.jpg?resize=600%2C400&ssl=1)
Orsøkin er sum skilst, at evropeiska olympiska nevndin EOC nú krevur, at Føroyar um so er luttaka sum partur av danska hópinum, íroknað at skula vera í donskum landsliðsbúna.
Hetta er stórt afturstig í mun til treytirnar á seinasta EYOF, sum var í Baku í 2019. Tá sluppu vit at kappast undir Merkinum í svimjihøllini, og fingu úrslitini skrásett sum føroysk, um enn vit ikki sluppu at luttaka í setanini.
Fyri okkum í svimjingini er hetta sera harmiligt afturstig, tí vit høvdu glett okkum til at luttikið aftur á EYOF nú í summar, aftaná góð úrslit í Baku. Hendan stevna var frá byrjan høgt raðfest hjá okkum, tí hon vónandi skuldi bera á leið ímóti OL.
Rókur