Her eru úrslitini frá AldursBólkaMeistaraStevnuni í Sprint 2022, sum Svimjisamband Føroya og Ægir skipaðu fyri í Klaksvíkar Svimjihøll, leygardagin hin 5. november 2022. Úrslitini síggjast eisini her á livetiming.se
Tilsamans vóru tey 130 íðkarar og 20 lið úr 5 feløgum sum svumu seg til 605 úrslit í 30 kappingum, hendan dagin í Klaksvík.
Besta úrslit av øllum átti Bjarta í Lágabø (2009) úr Suðuroyar Svimjifelag, tá ið hon í 100 rygg svam seg til 547 FINA stig, við tíðini 1:07.09. Bjarta svam seg her til silvurnál.
Besta úrslit millum dreingirnar átti Líggjas Joensen (2008) úr Ægir, tá ið hann í 100 frí svam seg til 543 FINA stig, við tíðini 54.93.
Heiðursmerkjabýtið á ABMS Sprint 2022
| Felag | Gull | Silvur | Bronsa |
| SuSvim | 43 | 20 | 24 |
| Ægir | 17 | 14 | 13 |
| HS | 8 | 16 | 8 |
| FS | 4 | 12 | 12 |
| FLOT | 0 | 2 | 0 |