Hetta vikuskiftið skipar Køge Svømmeklub fyri Køge Open 2022, í Køge Svømmehal hin 25. til 27. november, umframt fyri yngstu aldursbólkar í Herfølge Svømmehal hin 26. og 27. november. Úr Føroyum luttaka 29 svimjarar úr FS, HS, SuSvim og Ægir.
Føroysku svimjararnir eru:
- úr FS (12): Felisia Florinsdóttir (2012), Rakul J. Højbro (2011), Sirið Vesturtún (2011), Naomi Friang (2010), Margit Højbro (2007), Jóhanna Ólavsdóttir (2007), Rebekka Róðinsdóttir (2007), Birita Vesturtún (2007), Fríðálvur Eliassen (2011), Rókur Petersen (2010), Fróði Hansen (2008), Bárður Ólavsson (2008)
- úr HS (5): Kira Fernandez (2012), Lea Bendix á Krákusteini (2011), Natasja Finsdóttir Ellingsgaard (2011), Lilja Sørensen, (2011), Leah Biskobstø Nielsen (2010)
- úr SuSvim (10): Amalia Elitha Bech Hjelm (2012), Jórun Winther (2011), Eva Debess (2010), Bjarta í Lágabø (2009), Silja Bech (2008), Elin Christiansen (2004), Bjørk L. Sørensen (2004), Benjamin Clementsen (2012), Dávur Eið (2012), Terji Kjærbo (2012)
- úr Ægir (2): Lea Osberg Højsted (2008), Líggjas Joensen (2008)
Startlistarnir síggjast her á livetiming.se
Vit síggja at í Køge liggur Líggjas væl fyri til at taka heiðursmerki í 200 rygg og 400 frí, og Fróði í 200 bringu, meðan Lea liggur væl fyri í 50, 100 og 200 bringu, umframt 200 blandað, Jóhanna í 100 firvald og 400 blandað, og Bjarta í 100 rygg.
Í Herfølge er tað serliga Jórun sum liggur væl fyri, við góðum kjansum fyri heiðursmerkjum í 25 frí, 25 rygg, 50 frí, 50 rygg, 100 frí, 100 rygg, 100 blandað og 200 frí, umframt Sirið í 100 frí og 200 frí. Hartil Terji í 100 frí.