16 ára gamla Summer McIntosh setti í gjár nýtt heimsmet (og juniorheimsmet) í 400 metra blandaðari svimjing á langgeil, tá ið hon á kanadisku úttøkustevnuni til HM svam seg til úrslitið 4:25.87. Ungarska Katinka Hosszu átti nú farna heimsmetið á 4:26.36, frá tá ið hon vann gull á OL í Rio í 2016.
Kanadiska Summer McIntosh setti sum kunnugt eisini nýtt heimsmet í 400 metra frísvimjing herfyri, tá ið hon svam seg til úrslitið 3:56.08, har avstralska Ariarne Titmus átti heimsmetið á 3:56.40. Og, hon hevur sett juniorheimsmet í báðum hinum kappingum sum hon her luttók í, við 2:06.89 í 200 blandað og 2:04.70 í 200 firvald.
Hon átti tá nevndu juniorheimsmet, frá US Open stevnu í Fort Lauderdale fyrst í mars, har hon megnaði at taka heili juniorheimsmet, við 1:54.13 í 200 frí, 2:05.05 í 200 firvald og 2:08.08 í 200 blandað.