Líggjas Joensen (2008, Ægir) megnaði í morgun at svimja seg víðari til finalu í 200 frí á donsku juniormeistarastevnuni á stuttgeil 2024, tá ið hann í innleiðandi riðlunum svam skjótast av øllum, 1:49.83. Sí úrslitalistan her
Tíðin var stórt persónligt met hjá Líggjasi, í mun til 1:50.62 frá VestDanske í Aarhus fyrst í hesum mánaði. Líggjas er nú næstskjótasti føroyingur nakrantíð í hesi grein, aftanfyri Pál Joensen (1990, SuSvim) á 1:46.61.
