Elisabeth Erlendsdóttir (2005, HS) var í gjár 0.02 sekund frá føroyska metinum í 50 metra ryggsvimjing á langgeil, tá ið hon í B-finaluni á TYR Pro Swim Series stevnuni í Westmont, Illinois svam seg til til úrslitið 29.49 sekund. Sí úrslitalistan her
Elisabeth eigur sjálv føroyska metið á 29.47, frá Danish Open í fjør. Tíðin nú rakk til eitt fimtapláss í B-finaluni, og sostatt eitt 13. pláss av teimum 35 luttakandi í hesi kapping. Regan Smith vann A-finaluna, sum er heimsmeistari á stuttgeil í hesi grein.
Elisabeth fer í dag at royna seg í 200 rygg, har hennara riðil byrjar kl 10:24 Westmont-tíð, ið er kl 16:24 her í Føroyum. Hon er í síðsta innleiðandi riðli, saman við hesi somu Regan Smith, sum vann silvur í 100 og 200 rygg á OL 2024.