Elisabeth Erlendsdóttir (2005, HS) svam seg í áðni í C-finalu á TYR Pro Swim Series stevnuni í Westmont, Illinois, tá ið hon í innleiðandi 100 rygg varð nr 20 av 28 við tíðini 1:04.99. Sí úrslitalistan her
Besta tíð hjá henni er 1:04.62 í hesi grein, frá TYR Pro Swim Series stevnu í Fort Lauderdale í mars 2023. Signhild Joensen (2000, Ægir) eigur føroyska metið á 1:03.01, frá Bergen Swim Festival í 2018.
Elisabeth royndi seg í gjár í 200 rygg, og svam seg eisini har í C-finalu, við tíðini 2:23.22, sí úrslitalistan her. Men hon man hava meldað frá hesi finalu, tí har er einki úrslit hjá henni har.
C-finalan í 100 rygg er einaferð aftaná midnátt í kvøld, eftirsum at tey byrja við finalunum kl 18:00 Westmont-tíð, sum er á midnátt her.