Elisabeth Erlendsdóttir (2005, HS) megnaði í nátt at vinna C-finaluna í 100 rygg á TYR Pro Swim Series 2025 stevnuni í Westmont, Illinios, við tíðini 1:03.78 sum eisini er stórt persónligt met hjá henni. Sí úrslitalistan her
Elisabeth var meira enn eitt hálvt sekund skjótari enn næstskjótasti svimjari í C-finaluni, sum var Martine Sorel við 1:04.49. Besta tíð hjá Elisabeth áðrenn hetta, var 1:04.62 frá TYR Pro Swim Series stevnu í Fort Lauderdale í mars í fjør.
Elisabeth varð sostatt nr 17 í hesi kapping, ella nr 15 um man telur tær frá sum svumu spakulari enn hon í B-finaluni. Signhild Joensen (2000, Ægir) eigur føroyska metið, á 1:03.01 frá Bergen Swim Festival í 2018.
Elisabeth var hervið liðug við hesa stevnu, og vórðu úrslitini:
- 29.98 og #14 av 35 í innleiðandi 50 rygg, víðari til B-finalu
- 29.49 og #5 av 8 í B-finalu í 50 rygg
- 2:23.22 og #19 av 20 í innleiðandi 200 rygg, víðari til C-finalu
- 1:04.99 og #20 av 28 í innleiðandi 100 rygg, víðari til C-finalu
- 1:03.78 og #1 av 8 í C-finalu í 100 rygg – persónligt met
Besta tíðin í 100 rygg er hartil undir kravtíðina til EM U23 í Slovakia í summar, sum er 725 AQUA stig á talvuni fyri 2024, ella 01:03.81