Author: Treshold

Open Water Svimjing á Jóansøku í Vági

Open Water Svimjingin á Jóansøku verður fríggjadagin 25. juni í Vági kl.17:00

vatnid2

Tað er Vatnið í Vági sum verður karmur um svimjingina. Vatnið er ikki so kalt sum sjógvur, inniheldur ikki salt, og so ber tað til at trakka á botnin næstan allan teinin har svimjingin verður. Teinurin verður knappar 1000m. Start og Mál er har sum lítla bátahavnin til modelbátar er. Hetta er í tí endanum av vatninum har vøllurin hjá FC Suðuroy er. Her er sandbotnur og tað ber til at ganga út til ein byrjar at svimja.
Continue reading Open Water Svimjing á Jóansøku í Vági

Pál víðari til Finaluna í 400m

Í 400m frí í morgun svam Pál 3:57,93 og var tað nokk til eitt 4. pláss og víðari til finaluna.

Í finaluna komu annars:
1. Sébastien Rouault FRA 3:54,38
2. Oussama Mellouli TUN 3:56,89
3. Anthony Pannier FRA 3:57,64
4. Pál Joensen FAR 3:57,93
5. Mark Randall RSA 3:58,09
6. Ahmed Mathlouthi TUN 3:58.45
7. David Carry GBR 3:58,99
8. Jorge Maia POR 3:59,46

Hóðast hetta er ein sterk finala um ein hugsar um teir sum svimja, so var tað relativt nemt at svimja seg í finaluna um ein ikki var troyttur. Og tað sá ein alt fyri eitt tá ið Sébastien Rouault sprintaði frá Mellouli seinasta 50m í morgun.
Tað var hart at svimja 3:57,9 í morgun sigur Pál. Okur høvdu jú bert ein hvíludag, og hann var hildin í einum bussi tá ið okur koyrdu frá Barcelona til Canet, so tað var alt annað enn optimal hvíld. Sébastien Rouault og Ahmet Mathlouthi vóru ikki í Barcelona, og eru teir ikki eins troyttir og hinir 6 sum eru í finaluni, so spennandi verður at síggja hvussu tað ávirkar úrsliti.

Finalurnar byrja klokkan 17:00 føroyska tíð, og 400m er ein av fyrstu finalunum.

½ ár úr hylinum

Ungi sviin Mattias Carlsson, føddir sama ár sum eitt nú Pál Joensen og um kanska ikki heilt so góður enn, so ein profilur í svenskari svimjing, og sum Pál, eitt lovandi talent til framtíðina. Hann svimur 200m rygg og 200m firvald undir 2min, og 400m frí á langbana undir 4min.
Mattias Carlsson
Sviar høvdu vanta sær nógv av hesum unga manni sum okur høvdi vitjan av til NJM í Havn í desembur 2007 har hann vann 3 gull eins og Pál. Mattias vann 200m firvald, 100m rygg og 200m rygg. Men nú sær ikki so gott út hjá Mattiasi, ella í øllum førum ikki næstu 6 mánaðirnar, tí hann skal undir knívin eftir at hava veri óheppin á skíum. Og so hugsi eg um Róa á Kósuni….. suk!

simma.nu skrivar: Mattias Carlsson borta sex månader
Igår fick Uddevallasimmaren Mattias Carlsson sin läkardom. Borta från simningen i sex månader. Detta efter att ha åkt lössnöåkning under sportlovet och skadat yttre ledbandet och eventuellt också menisken. Skadan kommer att kräva opertaion.

Eg skal ikki sita her og siga við fólk at tey ikki skulu fara á skiferiu, men eg vil siga, at eg havi ringar royndir við tí. Rikke Møller úr West Swim í Esbjerg var eitt sera sera lovandi talent, til hon skræddi sær knæði sundur, bókstaviliga!!!. Tað eru 6 ár síðan nú, og 5 ferðir undir knívinum hava enn ikki hjálpt.

Svimjarir sum Rikke og Mattias høvdu eitt til felags, hypermobilar føtur, akslar og knø. Tá ið ein hugsar um alla tað strekking sum okur gera hvønn dag fyri at gerast skjótari undir vatninum, uttan at styrkivenja beinini so nógv at tey gerast tung, ja so er eingin ivi hjá mær um, at okur skulu halda okon til at skreiða á sledum. Okur gera jú alt fyri at knø og føtur ikki eru stabil nokk til at koyra á skíum.

Eg kom í tankar um Pál nú eg skrivi. Hann meiddi sær fótin tá ið teir spældi kurvabólt fyri stuttari tíð síðan. Fekk ikki gjørt eina ordiliga vending í eina viku, og serliga vendingarnar hjá Páli skulu rættast uppá um hann skal gera sær vónir um at gerast heimsmeistari, hettur sigur Rein Haljand professari, og sjálvandi hevur hann rætt, tað hava okur lagt til merkis til kappingar uttanlandað. So ein vika úr planinum við ringum tíðum, negativum upplivilsum og ein áminning um, at skjótt kann ganga gali hevur kanska sett nakrar tankar í gongd í høvdinum hjá Páli. Ljósa síðan í hesum dømi er, at ein vika er nakað væl betur enn 26 vikur, Mattias stakkalin, synd… for hundan altso.

Ein skal kanska hugsa seg væl um í daglidegnum sum elitusvimjari. Ja ok, øll fólk eiga at gera tað, men halló… fólk sum Pál brúka 35 tímar um vikuna uppá at gerast best í heiminum, tey noyðast kanska at hugsa um ting sum onnur kanska ikki gera. Kann eg liva við hesari avgerð? Hvussu avmarkað skal mítt lív vera? Eri eg ein slava av mínum ítrótti, ella kann eg gott liva við øllum hesum avmarkingum tí at eg fái so nógv annað afturfyri?
Kanska nakað negativt sett upp. Men tað eru tey sum eru í sama aldri sum ikki minnast eitt leygarkvøld í alt 2008, tað er 52 dagar vekk úr kalendarinum, og ger ein hetta í 6-8 ár, ja so… you do the math. Og eg tók ikki fríggjakvøld við… Og so sigarettir, nú eg nevni slavir… Kanska lívi sum elituítróttarfólk ikki er so tossut alíkaval.

Nei, ikki er tað nemt, lívið, tað er sikkurt og vist. Góða eydnu øll somul nú DML, OYL og HM nærkast. Stay healthy!

Svim fyri lívinum – Eitt hugskot

Er hettar ikki nakað okur eiga at royna í Føroyum ?

A campaign to get every child in New Zealand to be able to swim 200 metres confidently by the age of 12 has been backed by the scouting movement.

The Swim For Life initiative – developed by Water Safety New Zealand, the New Zealand Recreation Association and the New Zealand Swim Coaches and Teachers Association of New Zealand – wants to encourage more children to learn and develop swimming and water survival skills.

And Scouting New Zealand is happy to help: it will pass the message on to no fewer than 14,000 children a year. A great base for the talent spotters at the helm of New Zealand’s swim programme.

Kelda: SwimNews

Hvussu nemt hevði tað ikki veri at koyrt eitt líknandi program í Føroyum. Eg hómi eitt gullnám goymt í einum líknandi tiltaki. Hugsi kanska at genturnar skuldi veri upp til 10 ár, og dreingirnar upp til 12 ár. Skúlarnar í Føroyum eru nok so vælvirkandi tá ið okur práta svimjiundirvísing. Og hettar er kanska ein eyðka motivitaion til svimjilærarar. Jú tað skal roynast, og SSF má við uppá vognin. Svimjifeløgini høvdu funni nógv talentir á hendan hátt, og SSF kundi kanska byrja uppá eitt organisera smáunglinga útviklingsprogram av álvara. Kanska 2-4 vikuskiftir um ári, har tey bestu í hesum aldri møtast til felagsvenjing. Eitt OL program sum okur kenna tað úr øðrum londum. Tey vera fyrireika uppá fyrst DÅM, so NJM og so koyrur tað bara. Hvat siga tykur, høvdu okur klára tað ?

tsvim.com er nú susvim.com

Reidar hevur nú flutt alt tilfar av www.tsvim.com yvir á www.susvim.com soleiðis at Suðuroyar Svimjifelag nú hevur sína egnu heimasíðu. Kanska alt ikki er sum tað eigur at verða beint nú, so um tú finnir ein feil, so sig vinarliga frá. Her er tildømis ikki uppdateraður listi við venjarum, men alt hettar kemur. Okur ætla eisini at hvør svimjari úr 1. 2. & 3. liðið skal hava sín egna lítla profil við mynd. Tað verður so upp til mín at fara í gongd við myndatólinum 🙂

Landsliðskravtíðir hærdar nok so nógv.

Ein kan nú lesa á heimasíðuni hjá SSF at kravtíðirnar til unglinga og elitu-landsliðið eru klárar. Nakað sum ein leggur til merkis beinan vegin er, at nú skal svimjingin enn eitt gear upp fyri at kunna verða við. SSF hevur jú lagt fram skrá fyri altjóða kappingar sum okur kunnu lutaka í fleiri ár fram, um okur bert svimja skjótt nok 🙂

Ja avbjóðingarnar eru har, og eftir stendur spurningurin, hvussu nógv taka av tilboðnum ?

Eitt nú skulu føroysku unglingarnar taka seg saman um SSF ikki bert skal hava 2 svimjarar við til komandi NJM kappingina sum SSF skal fyriskipa í Havn í desembur.

Hvat halda tykur venjarar um krøvini, og hvussu reagera tykra svimjarir ?

Hvat halda tykur um kappingarnar sum eru fyri eldru føroysku svimjararnir í Føroyum, altso kappingar her heima á klettunum ?

Eg sakni altso fleiri møguleikar fyri at kunna klára hesar kravtíðir, ella møguleikar fyri at kunna testa formin.

Michael Phelps – Athlete of The Year ?

Í USA gongur man ikki so nógv uppí svimjing sum fólk kanska halda nú svimjarnir úr USA eru so fantastiskir. Men soleiðis er jú eisini í Føroyum, hugsaði onkur fótbólt ?

NFL, MLB, NHL & NBA hava so nógvar ferðir fleiri fjepparar enn øll svimjingin í heiminum til saman. Men allíkaval er Phelps næstan komin so langt sum at vera kosin Sports Illustrated Kids’ 2007 Athlete of the Year!

Tað ber til hjá okkum at stemma uppá Phelps og soleiðis hjálpa honum at vinna á einum, fyri meg totalt ókendum MLB leikara, Alex Rodriguez. 150.000.000 krónur um ári fyri at buka til ein lítlan bólt við einum keppi ?

Stemma uppá Phelps her: http://www.sikids.com/aoy/

Eg havi stemma 🙂

Føroyskur svimjari í Bretlandi

David Carry, ja tað ljóðar ikki føroyskt, men hann hevur tó røtur úr Føroyum.
David er føddur t. 8. Okt. 1981 í Aberdeen. Hann hevur svomi síðan hann var bert 5 ára gamal og vann heili 2 gull til Commonwealth Games í 2006 í Avstralia. Hann vann 400m frí, og 400m blandað. Men hansara fyrsta enska met kom so ikki fyrr enn fríggjadagin 27. juli 2007. Tað var í 400m frí at David tók bretska meti frá Paul Palmer (OL silvur í 1996) tíðin hjá David var 3:47,40 og er tað 19 sek. skjótari enn føroyska meti hjá Pál Joensen. Langbana til Føroyar takk!
David er ein av mongu ungu svimjarum úr Bretlandi sum hevur vant í Avstralia (Gold Coast) og sum Bretland vónar, skal gerða um seg til OL í 2012.
Um “klaksvíkingurin” (David) sleppur undan skaðum, og annars heldur á fram at betra seg, ja so kanska okur fáa fyrsta gullheiðursmerki til Føroyar til OL í svimjing longu í 2012 🙂
Sikken ein styrkur til Ægir (Johan Martin sær gull nú) David er sera sterkur í 200 og 400m frí, men 400m blandað er ikki av leið, 4:15,98 á langbana er nokk til finalu til HM. David var sjúkur í Melbourne og megnaði tí ikki at vísa hvat hann kundi, men til Bretsku Meistarakappingina í farnu viku á langbana, vísti hann øllum hvat hann er gjørdur av.

EJM 2007 í Antwerpen

Unglingalandsliðið er í Belgia í hesum døgum. Evropameistaraskapi í svimjing fyri juniorar (te. gentur 15 til 16 ár og dreingir 17 til 18 ár) er í ár í Antwerpen.

Føroyar er umboða av 3 ungum damun og 3 ungum harrum.

Úr Havnar svimjifelag er Guðrun Holm Jacobsen. Úr Fuglafjarðar Svimjifelag eru Elspa Mørkøre og Kári J. á Høvdanum. Úr Suðuroyar Svimjifelag eru Mona Simonsen, Pál Joensen og Dánjal Martin Hofgaard.

Guðrun, Mona, Elspa, Kári, Pál og Dánjal Martin

Myndin: fv. Guðrun, Mona, Elspa, Kári, Pál & Dánjal Martin standa uttan fyri Scandic Hotel í Antwerpen.

Kappingin byrjar mikudagin 18 juli kl.09:00 við innleiðandi umførum. Pál Joensen er fyrsti føroyingur sum skal svimja, og er teinurin 400m frí. Síðan skal Kári á Høvdanum svimja 100m ryggsvimjing, Guðrun Jacobsen skal svimja 100m frí og seinasti føroyingur er Elspa Mørkøre sum skal byrja sítt EJM við 200m ryggsvimjing. Mona og Dallin svimja ikki fyrsta dagin, men Tórsdagin eru tey við saman við Pál. Mona svimur tá 400m frí og Dánjal Martin svimur 100m frí. Pál skal út í tann langa 1500m frí.

EJM svimjingin er í 5 dagar, so føroysku unglingarnar fáa úr at gerða. Innleiðandi er hvønn morgun kl.09:00 og semifinalur & finalur eru hvørt kvøld kl.17:00 (te. 08:00 & 16:00 Fø. tíð) Eg skal royna at skriva hvønn dag, men havi lært okkurt frá OYL á Rhodos, so eg lovi ikki nakað 🙂 Okur fara upp hvønn morgun kl.05:15 (Fø. tíð) so tykur kunnu ætla at eg eri troyttur um nakrar dagar, ja og so tey sum skulu svimja sjálvandi 🙂 Pál skal svimja 200m, 400m, 800m og 1500m frí. Mona svimur 200m, 400m & 800m frí. Elspa & Kári svimja 50m, 100m og 200m ryggsvimjing. Guðrun svimur 50m, 100m frí og 50m firvald. Dánjal Martin svimur 50m og 100m frí

EJM er í longum hyli (50m) so akkurát hvat ein skal vanta sær av føroysku svimjarnum er ikki til at siga, men tey komu øll heim frá OYL við min. 1 gullheiðursmerki hvør, uttan Guðrun sum ikki lutók til OYL. Hvat er so eitt gullheiðursmerki frá OYL vert í mun til at koma í eina EJM finalu? Ein kann byrja við at siga Russland við sínum 142.400.000 íbúgvum (Juli 2006) kontra tey OYL lond okur kappast við, tey eru frá gott 30.000 til uml 150.000 íbúgvar. So er Italia, Tysland, Bretland, Spania, Polen, Turkaland fyri bara at nevna nøkur fá. Til EJM skal ein altso svimja nakað betur enn til eitt gjøgnumsnitts OYL fyri at kunna gera seg galdandi. Onkur methaldari frá OYL hevur tó megna at koma í meira enn eina EJM, EM, HM & OL finalu. (um eg minnist rætt) Darren Mew frá Isle of Wight er OYL methaldari í 50, 100 & 200m bringusvimjing. Men Darren var neyvan komin so langt um hann avmarkaði sína svimjing ella sínu mál, til “bert” at vinna gull til OYL. Og tí eru Guðrun, Elspa, Mona, Kári, Pál og Dánjal Martin við til EJM í ár. Okur í føroyskari svimjing vilja meira enn “bert” OYL gull og met. Hettar merkir so ikki, sum so nógv hava sagt, at okur halda okkum vera ov stór ella ov góð til OYL. Okur vunnu ikki alt á OYL, so enn er long leið til at nakar kann siga at okur eru størri enn OYL 🙂

Um okur náa eina Top´16 plasering til EJM á onkrum teini (te. ein semifinala), hevði eg veri ovurfegin, men beint uttan fyri er nú eisini sera flott.

Við svimjuheilsan úr Antwerpen

Jón B.