Her eru luttakaralistarnir til FøroyaMeistarastevnuna og JuniorMeistarastevnuna á Langgeil 2023, sum Svimjisamband Føroya og Suðuroyar Svimjifelag skipa fyri í Páls Høll í Vági, fríggjadagin 16. til sunnudagin 18. juni 2023.
Listarnir finnast eisini á LiveTiming.se og Swimify.com
Fyrsti dagur er nú avgreiddur á Sumarmót Ísland 2023, og gekk tað heilt væl hjá okkara unga hópi. Føroysku svimjarnir settu tilsamans 24 persónlig met í 42 royndum, og vunnu trý av teimum hartil bronsuheiðursmerki.
Rebekka Róðinsdóttir (2007) úr Fuglafjarðar Svimjifelag vann sær í dag bronsuheiðursmerki á Sumarmót Íslands 2023, tá ið hon í 200 metra bringusvimjing svam seg til úrslitið 3:00.05. Sí úrslitalistan her
Jonna Joensen (2005) úr Ægir vann sær í dag bronsuheiðursmerki á Sumarmót Íslands 2023, tá ið hon í 100 metra firvaldasvimjing svam seg til úrslitið 1:08.58. Sí úrslitalistan her
Bárður Ólavsson (2008) úr Fuglafjarðar Svimjifelag vann sær í dag bronsuheiðursmerki á Sumarmót Íslands 2023, tá ið hann í 200 metra firvaldasvimjing svam seg til úrslitið 2:21.84.
Hetta var stórt persónligt met hjá honum, í mun til hansara 2:17.55 frá Reykjavík International í januar.
Hetta vikuskiftið eru 15 ungir svimjarar úr Føroyum í Íslandi, har tey fara at kappast á Sumarmót Íslands 2023. Støðan hevur vegna verkfall verið eitt sindur óviss vegna, men eru tey nú klár til um eina løtu at fara at byrja stevnuna í Laugardalslaug í Reykjavík, heldur enn sum upprunaliga ætlað í Ásvallalaug í Hafnarfirði.
Startlistarnir síggjast her. Har verður ikki stroymað frá hesari stevnuni
Starvsnevnd SSF hevur samtykt at vilja bjóða einum hópi av svimjarum til Sumarmót Íslands í Hafnarfirði 10. og 11. juni 2023, harav hesi 15 hava takkað ja:
Við teimum fara Rúni Gaardbo og Malena Hansen sum venjarar, Rúna Jacobsen sum venjari/leiðari, og Johan Martin Thorsteinsson sum ferðaleiðari.
Starvsnevnd SSF hevur samtykt at vilja bjóða fylgjandi svimjarum luttøku á HeimsMeistarastevnuni á langgeil 2023, sum verður í Fukuoka í Japan hin 23. til 30. juli 2023:
Eingin svimjari hevur klárað kravtíð til hesa stevnu, og er úttøkan tí gjørd út í frá mannagongdini hjá okkum til eyka úttøkur, har fyrsta krav ísv HM nú er, at viðkomandi hevur klárað yvir 700 FINA-stig á langgeil í 2023.
