Sum lýst í sambandi við kalendarafundin herfyri, so høvdu Bjørg Jensen og Jón Bjarnason tá bjóðað seg fram til at vera nýggj svimjinevnd, og hevur Rakul Arnfríð Dam nú eisini bjóðað seg fram.
Nýggja svimjinevndin hevði fund her í vikuni, og hava tey skipað seg soleiðis:
Nýggja svimjinevndin er longu farin til verka, við m.a. fyrireiking av innbjóðingini til ABMS 2023.
Her er innbjóðing til svimjistevnuna HS Open sum Havnar Svimjifelag skipar fyri í Svimjihøllini í Gundadali, leygardagin hin 18. og sunnudagin hin 19. mars 2023.
Her eru úrslitini frá svimjistevnuni sum Suðuroyar Svimjifelag skipaði fyri í Páls Høll í Vági, nú leygardagin hin 4. mars 2023. Hetta var stevna fyri okkara yngstu aldursbólkar, har tey svumu breiddir í langhylinum.
Elisabeth Erlendsdóttir royndi seg fyri løtu síðani í 100 metra ryggsvimjing á TYR Pro Swim Series 2023 stevnuni í Fort Lauderdale, og svam seg tá víðari til C-finalu við tíðini 1:04.62. Hetta er persónligt met hjá Elisabeth, í mun til hennara 1:04.67 frá EJM í Róm í 2021. Stroymingin sæst her á YouTube
Elisabeth Erlendsdóttir svam seg í gjár til C-finalu í 200 metra ryggsvimjing á TYR Pro Swim Series 2023 stevnuni í Fort Lauderdale, og varð har nr 2 av teimum 8 sum svumu í C-finaluni, við tíðini 2:17.59. Sí stroyming her
Elisabeth Erlendsdóttir royndi seg fyri løtu síðani í 200 metra ryggsvimjing á TYR Pro Swim Series 2023 stevnuni í Fort Lauderdale, Florida, og svam seg tá til úrslitið 2:22.73. Besta tíð hjá henni nakrantíð, er 2:19.88 frá Edinburgh International Swim Meet í mars 2022. USA Swimming stroymdi frá kappingini her
Altjóða svimjisambandið hevur júst kunngjørt nýggjasta listan yvir altjóða dómarar í kappsvimjing, har eisini fimm føroyingar eru at finna. Hesi fimm eru tey somu sum stóðu á lista nr 20, har hesin nú er nr 22, galdandi til árslok 2026.
Her eru luttakaralistar og skráir til báðar stevnupartarnar á svimjistevnuni sum Suðuroyar Svimjifelag skipar fyri í Páls Høll í Vági, nú leygardagin hin 4. mars 2023. Hetta var stevna sum upprunaliga skuldi verða í svimjihøllini á Tvøroyri, ið av serligum orsøkum er flutt til Vágs.
Fyriskipararnir heilsa:
Upphiting er enn kl 09:30 og kapping kl 10:30.
Vit hava flutt startin av tí seinna partinum til kl 13 í staðin fyri kl 14.
Fyrri parturin endar ca kl 12, so tað verður ca 1 tími til upphiting til tey eldru eisini 🙂
Vit hava valt ikki at broyta kappingarnar, hóast at hylurin er 16m, soleiðis at
1 longd er 12,5m
2 longdir eru 25m
3 longdir eru 50m
6 longdir eru 100m
UPDATE – Elisabeth kvalifiseraði seg við hesum úrsliti til C-finaluna sama kvøld, og varð har nummar 2 av teimum 8 í C-finaluni, við tíðini 30.28. Sí úrslitalistan her
Elisabeth Erlendsdóttir royndi seg fyri løtu síðani í 50 metra ryggsvimjing á TYR Pro Swim Series 2023 stevnuni í Fort Lauderdale, Florida, og svam seg tá til úrslitið 30.39 sekund. Besta tíð hjá henni nakrantíð, er 30.09 sekund frá Edinburgh International Swim Meet í mars 2022. USA Swimming stroymdi frá kappingini her
Góðu tit øll
Suðuroyar Svimjifelag boðar frá, at tey vegna serligar umstøður mugu flyta svimjistevnuna sum skuldi verða í svimjihylinum á Tvøroyri, nú leygardagin hin 4. mars, til heldur at verða í Páls Høll í Vági. Tey koma at svimja breiddir í Vági.
Vinarliga
Rókur
