So er hann her, altjóða druknivanlukkufyribyrgingardagurin 2022. Tunlarnir eru longu farnir í blátt, og aðrir bygningar fara væntandi at lýsa blátt í kvøld. Svimjisambandið hevur bás í SMS, har eisini umboð fyri Betri eru í dag.
Fylgið við serliga á Facebook-síðuni hjá SSF og vitjið druknifyribyrging.fo
Hesa komandi vikuna verður ljós varpað á altjóða dagin til fyribyrging av druknivanlukkum, sum Sameindu Tjóðir hevur ásett at vera á hvørjum ári hin 25. juli. Eitt kunningarátak verður sjósett við sergjørdari heimasíðu sum miðdepli, og blátt ljós fer at lýsa upp bygningar og tunlar runt landið.
Continue reading Føroyar varpa ljós á altjóða dagin til fyribyrging av druknivanlukkum, 25. juliEin heldur kontroversiell detalja í úttøkutreytunum hjá altjóða svimjisambandinum FINA til Olympisku Leikir í París í 2024, er at einans heiðursmerkjavinnandi liðsvimjingar (stafettir) kunnu tryggja sær OL-úttøku longu á HM í Fukuoka í juli 2023, meðan restin síðani skulu kappast um tað aftur á HM í Doha í februar 2024.
Altjóða svimjisambandið FINA hevur í dag kunngjørt úttøkuskipanina til Olympisku Leikir í París í 2024, tvs. krøvini sum sjálvir fyriskipararnir áseta. Hartil koma væl møguligt harðari krøv frá dønum, nú vit føroyingar ikki enn hava okkara egna limaskap í IOC. Sí FINA
Svimjisamband Føroya fekk herfyri tillutað eitt venjaraskeið frá altjóða svimjisambandinum FINA, at verða í Tórshavn vikuskiftið hin 16. til 18. september 2022. Hetta er skeið sum tað vit høvdu í 2018, har luttakararnir tá verða FINA góðkendir hjálparvenjarar, við møguleika at síðani víðariútbúgva seg til venjara og høvuðsvenjara.
Altjóða svimjisambandið FINA kunngjørdi í dag dagfestingina av 21. heimsmeistarastevnu í svimjing (á langgeil), at verða í Doha í Katar hin 2. til 18. februar 2024. Hartil er enn lagt upp til, at HM (á langgeil) verður fýra ár á rað – í Budapest í 2022, Fukuoka í 2023, Katar í 2024 og (enn) Kasan í Russlandi í 2025.
Her eru nakrar útvaldar myndir frá Norðurlendsku Meistarastevnuni fyri Ung 2022, sum estisku fyriskipararnir hava loyvt okkum at brúka.
Føroyski hópurin hevur verið veðurfastur í Keypmannahavn í nátt, men kemur vónandi heim í dag.
Continue reading Myndir frá NMU 2022Her eru úrslitini frá Norðurlendsku Meistarastevnuni fyri Ung 2022, umframt úrslitini í liðkappingini. Úrslitini finnast eisini her á swimrankings.net
Triði og seinasti stevnupartur varð í dag avgreidur á Norðurlendsku Meistarastevnuni fyri Ung 2022, sum er í Tallinn í Estlandi. Føroysku svimjararnir svumu seg aftur í dag til fleiri persónlig met, hóast harða kapping yvirhøvur. Sí úrslitalistarnar her
Seinnapartin avgreiddu tey næsta part av trimum á Norðurlendsku Meistarastevnuni fyri Ung 2022, í Tallinn í Estlandi. Føroyingarnir halda áfram at svimja heilt ókey væl, har øll nú hava svomið upp í móti ella betri enn í øllum førum onkra av sínum bestu tíðum. Sí úrslitini her
