admin

HS 4:16.85 og stórt føroyskt met í 4×100 blandað fyri mix-lið

Havnar Svimjifelag setti fyri løtu síðani stórt nýtt føroyskt met í 4×100 metra blandaðari svimjing fyri mix-lið, tá ið tey í finaluni á Føroyameistarastevnuni á langgeil 2022 svumu teinin uppá 4 minuttir, 16 sekund og 85 hundraðpartar. Suðuroyar Svimjifelag átti nú farna metið, á 4:25.50 frá Atlantic Open í apríl mánaða.

Tey sum svumu fyri HS, vóru:

Elisabeth Erlendsdóttir (2005) 1:06.00 (100 rygg)
Bartal E. Eidesgaard (2003) 1:09.27 (100 bringu)
Isak Brisenfeldt (2006) 1:01.59 (100 firvald)
Vár E. Eidesgaard (2001) 59.99 (100 frí)

Sí úrslitalistan her á livetiming.se

Vár, Isak, Elisabeth, Bartal og Panos í Páls Høll
Erling Eidesgaard eigur myndina

Beinleiðis stroyming frá FM og JM á langgeil 2022

So er FøroyaMeistarastevnan og JuniorMeistarastevnan í kappsvimjing á langgeil byrjað, við beinleiðis stroyming á YouTube-rásini hjá Svimjisambandi Føroya

So er tað FM og JM á langgeil 2022

Í morgun byrjar árliga FøroyaMeistarastevnan og JuniorMeistarastevnan í kappsvimjing á langgeil, sum er í Páls Høll í Vági nú 4. til 6. juni 2022.

Luttakaralistarnir síggjast her á livetiming.se, har tað eisini fer at bera til at síggja beinleiðis úrslit so hvørt sum kappast verður, og offisiellu úrslitalistarnar

Ætlanin er at stroyma frá hesi stevnu, á YouTube-rásini hjá SSF

Luttakaralisti til FML/JML 2022

Her eru luttakaralistarnir til FøroyaMeistarastevnuna og JuniorMeistarastevnuna á Langgeil 2022, sum Svimjisamband Føroya og Suðuroyar Svimjifelag skipa fyri í Páls Høll í Vági, nú hin 4. til 6. juni 2022. Luttakaralistarnir síggjast eisini her á livetiming.se

fml-jml-2022-luttakaralisti.pdf Download

Úttøkuskipan til Oyggjaleikir 2023

Gevið gætur, at hendan úttøkuskipan var broytt hin 30. januar 2023, so at kravtíðarskeiðið nú endar hin 16. apríl 2023, heldur enn hin 19. mars 2023.

Her er úttøkuskipanin til Oyggjaleikir 2023, sum verða á Guernsey hin 8. til 14. juli 2023.

SSF-OyL-2023-Uttokuskipan-2.pdf Download

Við fyrivarni fyri villum

Vegna starvsnevnd SSF

Rókur

Úttøkuskipan til EM 2022 í Róm

Her er úttøkuskipanin til EM 2022, sum verður í Róm í Italia frá 11. til 17. august 2022.

SSF-EM-2022-Uttokuskipan.pdf Download

Við fyrivarni fyri villum

Vegna starvsnevnd SSF

Rókur

people walking on street during night time — Photo by Riccardo Bertolo on Pexels.com

Ariarne Titmus 3:56.40 og nýtt heimsmet í 400 frí

Avstralska Ariarne Titmus setti í dag nýtt heimsmet í 400 metra frísvimjing fyri kvinnur, tá ið hon á avstralsku meistarastevnuni á langgeil svam 3:56.40. Amerikanska Katie Ledecky átti heimsmetið á 3:56.46, frá OL í Rio í 2016.

“It’s kind of nice now that I am not going to be asked when I am going to break the world record,” Titmus said. “I am the happiest I have ever been outside of swimming, I am the happiest I have ever been in my life in swimming. It’s definitely showing in the pool.”
Kelda: CBC

Eingin føroysk luttøka á EYOF 2022

Á aðalfundinum hjá ÍSF í gjár varð endaliga staðfest, at eingin føroysk luttøka verður á European Youth Olympic Festival 2022, sum annars verður í Banská Bystrica í Slovakia hin 24. til 30. juli 2022.

Banská Bystrica, Image courtesy of Milan Bališin / Wikimedia, CC BY-SA 4.0

HM á stuttgeil 2022 verður í Melbourne í Avstralia í desember

Altjóða svimjisambandið FINA kunngjørdi nú fríggjadagin, at HeimsMeistarastevnan á Stuttgeil 2022 nú verður í Melbourne í Avstralia hin 13. til 18. desember 2022. Hetta HM skuldi upprunaliga hava verið í Kazan í Russlandi hin 17. til 22. desember 2022, men er tikið frá russum vegna innrásina í Ukraina. Sí fina.org