Author: admin

Her er innbjóðing til “Suðuroyar Sparikassa Stevnu Mars 2023”, sum Suðuroyar Svimjifelag skipar fyri í svimjihylinum í Tvøroyra skúla hin 4. mars 2023, fyri okkara yngstu aldursbólkar 1 til 4.

Her eru luttakaralistarnir til svimjistevnuna Ægir Open sum Ægir skipar fyri í Klaksvíkar Svimjihøll hin 18. og 19. februar 2023. Sí innbjóðingina her.

Sum áður fráboðað, so luttók Elisabeth Erlendsdóttir í vikuskiftinum á Southern Zone South Sectionals 2023 í Orlando, Florida, og úrslitini síggjast nú her:

• 28.30 og nr 37 av 97 í 50 frí (persónligt met er 28.15)
• 1:02.98 og nr 87 av 114 í 100 frí (persónlig met er 1:02.16)
• 31.03 og nr 6 av 19 í 50 rygg (persónligt met er 30.09)
• 1:04.76 og nr 6 av 69 í 100 rygg (persónligt met er 1:04.67)
• 2:22.80 og nr 8 av 76 í 200 rygg (persónligt met er 2:19.88)

Í 50 og 100 rygg var hon í A-finalu, meðan hini úrslitini vóru í innleiðandi.

Hetta vikuskiftið er stór ungdóms- og juniorlandsliðslega í Vági, sum landsliðsvenjarin skipar fyri saman við venjarum úr føroysku svimjifeløgunum. Tey byrjaðu við venjing í gjárkvøldið, og venja so tvær ferðir í dag, umframt juniorlandsliðið aftur í morgin.

Evropeiska svimjisambandið LEN kunnar nú her um hvussu nýggja EM U23 verður fyriskipað, sum eftir ætlan verður í Dublin í Írlandi hin 11. til 13. august 2023.

Tað er stevna sum tey ætla skal verða fyri svimjarar sum eru millum 19 pg 23 ár, men har hendan fyrsta stevnan tó eisini loyvir luttøku av svimjarum sum eru millum 14 og 18 ár.

Eitt serligt sum verður á hesari stevnu, er ‘skins’ í 50 frí, sum er hetta har svomið verður í fleiri umførum, har spakuligaru verða tikin frá, til éin er eftir.

Hetta vikuskiftið verður meistarastevnan Southern Zone South Sectionals í Orlando í Florida, har eisini føroyska Elisabeth Erlendsdóttir fer at luttaka. Hetta er stevna á langgeil, frá 9. til 12. februar, ið verður stroymd á iswim.tv

Continue reading Elisabeth Erlendsdóttir til Southern Zone South Sectionals í Florida