Author: admin

Her er innbjóðing til svimjistevnu sum Havnar Svimjifelag skipar fyri í Svimjihøllini í Gundadali, leygardagin hin 22. apríl 2023, fyri okkara yngstu aldursbólkar 1 til 4.

Úrslitini frá Danish Open 2023 eru nú á SwimRankings, har vit millum annað kunnu greina tey føroysku. Saman um tikið gekk tað ókey, har 10 av 13 svimjarum settu tilsamans 20 persónlig met, og har 9 svumu seg víðari til 14 finalur.

Nú seinnapartin avgreiddu tey síðstu finalur á Danish Open 2023, við eisini føroyskari luttøku. Líggjas svam undir kravtíð til EM U23, og hann og Bjarta setti persónlig met

Føroyskir svimjarar royndu seg aftur nú í morgun á Danish Open 2023, sum er síðsti dagur á hesi stevnu. Eini fýra finalupláss bleiv tað til, umframt eini trý persónlig met.

Føroyingar royndu seg aftur í kvøld í finalum á Danish Open 2023, og gekk tað bara heilt væl. Lea Osberg Højsted setti nýtt føroyskt met og juniormet, og Elisabeth Erlendsdóttir svam seg til gullnál

Elisabeth Erlendsdóttir (2005) úr Havnar Svimjifelag svam seg fyri løtu síðani til gullnál, tá ið hon í C-finaluni í 50 metra ryggsvimjing svam seg til úrslitið 29.94 sekund, har gullnálatíðin er 29.96 sekund. Persónliga metið hjá Elisabeth var 30.09 áðrenn hetta, frá Edinburgh International Swim Meet í mars í fjør.

Lea Osberg Højsted (2007) úr Ægir setti fyri løtu síðani stórt nýtt føroyskt met og juniormet í 50 metra bringusvimjing á langgeil, tá ið hon í C-finaluni á Danish Open 2023 svam seg til úrslitið 34.01 sekund. Hon átti sjálv føroyska metið og juniormetið á 34.31, frá Reykjavík International Games í januar mánaða. Sí úrslitalistan á Swimify

Nú fyrrapartin var triðja rúgva av innleiðandi riðlum avgreidd á Danish Open 2023, við eisini føroyskari luttøku. Føroyingar svumu seg til eini trý finalupláss, umframt at eini fýra persónlig met vórðu sett.