Nú leygardagin byrjar Danish Open 2023 í Bellahøj Svømmestadion í Brønshøj, við luttøku av eisini føroyskum svimjarum. Luttakaralistarnir síggjast her, ið benda á sterka kapping, hesar fýra dagarnar í Bellahøj.
Author: admin
Úrslit frá Reysta-stevnuni 25. mars 2023
Her eru úrslitini frá svimistevnuni sum Svimjifelagið Reysti skipaði fyri í svimjihøllini í Leirvík, nú leygardagin hin 25. mars 2023. Hetta var svimjistevna fyri okkara yngstu aldursbólkar, 1 til 3, tilsamans vóru tey eini 128 sum kappaðust í Leirvík í dag.
Aðalfundur í Svimjisambandi Føroya 2023
Svimjisamband Føroya hevði í kvøld hin 23. mars 2023 sín árliga aðalfund, á Panorama á Hotel Hafnia í Havn. Á skránni var útyvir formansfrágreiðing og framløga av roknskapinum, eisini ein røð av innkomnum málum frá starvsnevndini, og val av næstformanni, skrivara og tiltakslimi.
Úrslit frá HS Open 18. og 19. mars 2023
Her eru úrslitini frá svimjistevnuni HS Open, sum Havnar Svimjifelag skipaði fyri í Svimjihøllini í Gundadali, nú leygardagin 18. og sunnudagin 19. mars 2023. Úrslitini síggjast eisini her á livetiming.se, her á swimrankings.net og her á tempus.fo
Luttakaralistar og úrslit frá HS Open 18. og 19. mars 2023
Havnar Svimjifelag skipar nú í vikuskiftinum fyri svimjistevnuna HS Open Mars 2023, í Svimjihøllini í Gundadali. Hetta er næstsíðsti kjansur at klára kravtíð til Oyggjaleikir 2023, á svimjistevnu her heima í Føroyum.
Luttakaralistarnir síggjast her og úrslitini her. Til ber at fylgja við úrslitunum beinleiðis her á livetiming.se
Innbjóðing til Atlantic Open 2023
Her er innbjóðing til svimjistevnuna Atlantic Open 2023, sum verður í Svimjihøllini í Gundadali hin 14. til 16. apríl 2023. Hetta er síðsta stevna her heima, áðrenn kravtíðarskeiðið endar til Oyggjaleikir 2023.
Innbjóðing til Reysta-stevnu 25. mars 2023
Her er innbjóðing til svimjistevnu í svimjihøllini í Leirvík, leygardagin hin 25. mars 2023, sum Svimjifelagið Reysti skipar fyri. Hetta er stevna fyri okkara yngstu aldursbólkar: 1, 2 og 3.
World Aquatics og LEN broytt junioraldurin hjá kvinnum
Altjóða svimjisambandið World Aquatics broytti herfyri junioraldursbólkin hjá kvinnum, at frá nú vera tær sum fylla millum 14 og 18 ár í viðkomandi kalendaraári, heldur enn 13 til 17 ár. Harvið hava juniorgentur og dreingir sama aldur, har tað til nú hevur verið forskotið við einum ári.
Nýggj svimjinevnd skipað
Sum lýst í sambandi við kalendarafundin herfyri, so høvdu Bjørg Jensen og Jón Bjarnason tá bjóðað seg fram til at vera nýggj svimjinevnd, og hevur Rakul Arnfríð Dam nú eisini bjóðað seg fram.
Nýggja svimjinevndin hevði fund her í vikuni, og hava tey skipað seg soleiðis:
- Bjørg Jensen, forkvinna
- Jón Bjarnason, næstformaður
- Rakul Arnfríð Dam, nevndarlimur/skrivari
Nýggja svimjinevndin er longu farin til verka, við m.a. fyrireiking av innbjóðingini til ABMS 2023.
Innbjóðing til HS Open 18. og 19. mars 2023
Her er innbjóðing til svimjistevnuna HS Open sum Havnar Svimjifelag skipar fyri í Svimjihøllini í Gundadali, leygardagin hin 18. og sunnudagin hin 19. mars 2023.
