Author: bartal

Tøk frá 1500 finaluni í Shanghai

Á myndini niðanfyri síggja vit hvussu nógv tøk svimjarnir tóku per longd í finaluni. Bert tøk, har armurin fer yvir vatn, eru tald.

Vit síggja at hædd (og harav armlongd) og tal av tøkum hanga saman. Kis og Cochrane víðkja eitt sindur frá. Cochrane tekur lutfalsliga nógv tøk fyri at vera 193 cm, meðan “lítli” Kis tekur lutfalsliga fá. Kanska vinnur Kis nógv við beinspark?
Continue reading Tøk frá 1500 finaluni í Shanghai

Hackett: synd at Avstralia misti heimsmetið í 1500

Grant Hackett sigur seg ikki verða skuffaður um at missa heimsmetið í 1500 frí, men heldur at tað er synd, at Avstralia hevur mist heimsmetið, sum hann og landsmaðurin Kieren Perkins hava haft í 19 ár. Haraftrat heldur hann, at tað er keðiligt, at heimsmetið bleiv tikið við bara einum hálvum sekundi:

“It’s almost annoying that it was such a small margin. Hopefully another Australian can come up over time to get it back for us.”

Kelda: Eurosport

USA er enn klárt á odda í HM

USA er komið væl aftur aftaná superdraktirnar í 2009, meðan Avstralia fær færri og færri heiðursmerkir.

Á talvuni niðurundir sæst hvat land bleiv nr 1, 2 osv í HM á langbana í árini 2001 til 2011. Til ber at sortera við at trýsta á árstalið ovast.
Continue reading USA er enn klárt á odda í HM

Pál fjórðbesti í heiminum

Tíðindaskriv frá Svimjisambandi Føroya

Við tíðini 14.46.33 knústi Pál norðurlendska metið við meira enn 10 sekundum í 1500 frísvimjing, seinasta finalukvøldið til 14nda Fina Heimsmeistarastevnuna í Shanghai, Kina. Pál gjørdist nummar fýra 7 tíggjundapartar eftir Gergo Kis úr Ungarn, ið enn einaferð kom framum við einum sterkum endaspurti.

Pál lá á einum tryggum triðjaplássið fram til 1300 metrar har hann og Gergo Kis lógu javnur, og endaði Pál so á einum fjórðaplássið 67 hundraðpartar eftir Gergo Kis.


Continue reading Pál fjórðbesti í heiminum