Tíðindaskriv frá Svimjisambandi Føroya
Fyrstu innleiðandi kappingarnar eru nú lidnar til Fina/Arena Swimming World Cup í Stokkhólmi. Úrslitini vóru góð, og tá avtornaði høvdu vit fingið eitt finalupláss í 400 frí.
Fyrsti føroyski svimjari í hylinum var Magnus Jákupsson í 100 metra ryggsvimjing, hann svam tíðina 57:89, millumtíðin á 50 metrum var 29:92.
Continue reading Góð byrjan í Stokkhólmi
Pál svam 4. bestu tíð í morgun í Stockholm. Pál svam í fyrra riðli og kundi tí ikki dúva uppá hvat ið hinir favorittarnir fóru at svimja. Hann helt seg til taktikkin við at leggja varliga út og síðani koyra harðari á mótir endanum.
Rókur skrivar umvegis sms:
“Pál sá knúsandi gott út, lá upp á hjul av japananum, til hann valdi at fara frá. Rouault svam eisini gott, meðan Biedermann og Agnel lúrdu upp á hvønn annan.”
Continue reading Pál við í 400 frí finaluni seinnapartin
Heiðursmerkini hjá Páli rukku til 12. pláss av 39 londum í Berlin og 7. pláss av 24 londum í Moskva.
Soleiðis varð endaliga støðan í Berlin:
Continue reading Føroyar bleiv nr 12 í Berlin og 7 í Moskva
Rókur skrivar sms-boð:
“Morgunmat til borðs við [Alexander] Dale Oen og [Jeanette] Ottesen, skulu venja saman nú kl 09. Go team Scandinavia”.
Videoboð úr Berlin kl 19.05 í kvøld.
Fyri løtu síðani sendi Bjarnason eina videoheilsan úr Berlin.
Tíðirnar frá FM 2007, ’08, ’09 og ’10 eru at finna á grafinum her. Stafettirnar eru ikki tiknar við. Bara tann besta tíðin hjá finalistunum tikin við, tað vil siga, um viðkomandi svam skjótari í innleiðandi umfarinum, so er tann tíðin at finna her. Tíðirnar verða vístar í sekundum.
Skuldi tað hent seg, at Pál Joensen fær eitt HM heiðursmerki, so er tað nýtt met sæð í ljósinum av heiðursmerki per íbúgvaratal. Verandi met síðani 2003 eiga avstraliubúgvar, tá ið tey fingu eitt heiðursmerki per 1 mio fólk í HM 2005. Eitt føroyskt HM heiðursmerki er tí 20 ferðnar betri. Og tá hava vit avrundað “skeivan” veg báðu ferðirnar. Á grafinum síggja vit, hvussu heiðursmerkir eru býtt millum lond í HM 2003, ’05, ’07 og ’09.
Play-knappurin niðast til vinstru vísir, hvussu gongdin er í tíð. Tað ber til at velja gull, silvur, bronsa, fólkatal og fólk per heiðursmerki á ásunum. Eisini kann man velja millum bobblu-, stabba- og linjugraf ovast til høgru. Í bobblugrafunum kann man zooma við at trýsta og halda á vinstra músknapp inni í grafinum og draga um tað økið, man vil síggja neyvari. Litir á bobblunum, stabbunum og linjunum kunna setast eftir somu valmøguleikum sum fyri ásunum. Sí “Colour” ovast til høgru. Flugubein kunna setast við tey lond, sum hava serliga áhuga, niðast til høgru.
HM úrslit eru frá omegatiming.com.
Fólkatøl eru frá wikipedia.org.
Jon Hestoy og Helena Dam á Neystabø tosaðu um 50 m hyl í 3-2 í gjár.
Continue reading Jon Hestoy í 3-2
Føroyar bleiv nr 15 av 41 londum, ið luttóku í Budapest. Evropeiska svimjisambandið LEN hevur 51 limalond.
