Tórshavnar Kommuna skrivaði í gjár sáttmála við føroysku fyritøkuna Defined Energy fyri eina orkusparandi skipan, ið endurnýtir 70 prosent av spillhitanum frá brúsuvatninum. Svimjihøllin fer við skipanini at spara 27.000 litrar av olju árliga. Les meira á torshavn.fo.
Mynd: Defined Energy
Gull-tíðirnar í FM 2014 vóru í miðal eins skjótar sum metárið í fjør. Man kundi kanska væntað at gull-tíðirnar fóru at vera spakuligari enn í fjør, tí summir av gull-vinnarunum í fjør luttóku ikki í ár og enn er langt til næstu oyggjaleikir. Tíbetur hava nýggir gull-vinnarar traðkað til, serliga Emma Festirstein Nystrøm (HS), Ásbjørg Hjelm (Ægir) og Høgni Simonsen (Susvim).
Continue reading FM vinnarar halda tørn
Nú eru úrslitini frá 2014 tald við á listanum yvir søguligum FM-vinnarum í einstaklingakappingum. Pál hevur styrkt oddasessin munandi. Høgni Simonsen (Susvim), ársins svimjari Emma Festirstein Nystrøm (HS) og ársins stjørnuskot Sára R Nysted (Susvim) hava haft størstu framgongd á listanum síðan FM í fjør. Havast skal í huga at listin er rættiliga ófullfíggjaður. Enn mangla úrslit frá FM 2003, 2001-1998, 1996-1994 og 1991-1974.
Continue reading Listin yvir søguligum FM-vinnarum er dagførdur
Allir riðlarnir frá morgun kappingunum (og juniormeistarastevnuni) farna vikuskifti eru at finna her, skipað í tíðarrað. Nøvn á svimjarunum síggjast við at trýsta á “i” ovast til høgru í videorútinum.
Í fjør megnaði Pál Joensen, sum fyrsti føroyingur, at koma upp um 100 FM heiðursmerki. Í ár hevur Pál møguleika fyri at taka gull nr 100, íroknað liðkappingar og sum einstaklingur. Heiðursmerkjahálið hjá Páli undan kappingunum í dag er 90 gull, 24 silvur og 11 bronsur, harav hann eigur 88 gull, 13 silvur og 5 bronsur sum einstaklingur. Gongur tað eftir vild hjá honum og suðringum, so kann hann vinna gull nr 100 leygarkvøldið og nr 100 sum einstaklingur sunnudagin.
Kringvarpið sendir væntandi eitt innslag í kvøld um úrslitini hjá føroyingunum í morgun. Brotið er longu at finna á heimasíðuni hjá Kringvarpinum. Tað liggur her.
Rókur hevur lagt nakrar feskar myndir úr høllini “Boxen” í Herning, har føroyingarnir venja undan EM kappingarnar komandi dagarnar. Sí myndasavnið her á Flickr
Ferðaliðið úr Føroyum fylgdi næstan somu rutu sum ódnin “Bodil”.
Continue reading Føroyingar venja í Boxen
Her eru riðlarnir sum vóru í Norðurlendsku JuniorMeistarastevnuni fríggja-, leygar- og sunnumorgunin 6. til 8. desember. Riðlarnir, sum resta í frá innleiðandi kappingunum, verða lagdir aftrat seinni.
Signhild Joensen úr Ægir gjørdi nakað óvæntað í 2. riðli í 200 frísvimjing tá hon frá byrjan legði seg á ryggin og sparkaði seg fyrst á mál. Tíðin hjá henni var 2:45.42, nakað spakuligari enn Cecilia, Victora, Lív og hinar í 3. og síðsta riðli, men ikki sørt imponerandi at svimja so skjótt uttan brúk av ørmum. Sí video av riðlinum her.
Her eru riðlarnir frá leygarmorgun. Tíverri vóru stundir ikki at taka upp riðlarnar seinnapartin. Dagføring: riðlarnir frá sunnudegnum eru lagdir aftrat.
