Elspa (West Swim) svam seg í finaluna í 200 blandað við tíðini 2:22.23. Hennara tilmeldingartíð var 2:16.94. Í finaluni sleppur hon at svimja mótir favorittinum og lokal kappingarneytanum Katrine Holm Sørensen úr Swim Team Esbjerg. Katrine svam besta innleiðandi tíð: 2:16.93. Katrine minnast vit eisini frá NJM í fjørð. Tá vann hon 200 blandað við tíðini 2:21.68.
Author: bartal
Kári aftastur í 50 frí
Tað gekk ikki væl hjá Kára í morgun. Í 50 frí kom Kári á mál við spakuligasta tíðini av teimum 55 svimjarunum, ið gjøgnumførdu innleiðandi riðlarnar. Tíðin hjá Kára var 25.90. Tilmeldingartíðin hjá honum var 24.89. Frederik Siem Pedersen, sum fólk muga minnast frá NJM í fjørð, tók ivaleyst fleiri av bóli tá hann svam bestu tíð og setti danskt junior met við tíðini 22.82.
Kári góð 6 sekund frá finalupláss í 200 rygg.
Kári megnaði ikki at kvalifisera seg til finaluna í 200 rygg. Tíðin hjá honum var 2:12.26. Kári hevði annars 6. bestu tilmeldingartíð (2:05.13) og svam tær fyrstu 50 metrarnar rættiliga skjótt (30.25), men ferðin var øgilig á 4 teimum fremstu í hansara riðli. Marcus Bak (Allerød), Anders Møller (Haderslev) og Mads Jensen (Birkerød) svumu allir seg í finaluna. Tá ið av tornaði varð Kári aftastur í sínum riðli.
Elspa víðari við næstbestu tíð í 200 rygg
Malan svam seg til hálvfinalu í 100 bringu
Malan megnaði fyri løtu síðani at kvalifisera seg til hálvfinalunar í 100 bringu. Tíðin hjá henni, 1:17.25, varð nakað frá hennara tilmeldingartíð, 1:15.04, men tað varð nóg mikið til eitt hálvfinalu pláss. Hon svam í 5. og síðsta riðli mótir favorittinum Rikke Møller Pedersen úr Frem Odense, sum svam besta tíð í morgun (1:09.85).
Heidi Andreasen bleiv nr 8 í 50 frí
Heidi Andreasen svam í 50 frí finaluni (S8) (pdf) við tíðini 32.66 ella 0.57 frá OL gull. Her eru úrslitini hjá Heidi.
Klorvatn bleikir hárið – men ikki húðina
Hetta vita tey flestu sum svimja. EB.dk skrivar, at tað er ein myta, at klorvatn bleikir húðina. Men er ikki satt, sigur dr.med. Peter Bjerring frá privathospitalið í Mølholm. Tað er eiheldur ikki í øllum svimjihøllum, at klorvatnið er so sterkt, at tað bleikir hárið.
Hvat etur Michael Phelps?
BBC skrivar, hvussu nógv Michael Phelps etur, tá hann venur.
Morgunmatur: tríggjar tvíflísar við egg, ost, tomat, salat, stoktan leyk og majones. Haraftrat tríggjar pannukøkur við sjokoláta, eina eggjakøku við 5 eggum, trý toastbreyð við sukri, eina skál við mais greyt og tveir koppar av kaffi.
Døgurði: hálvt kilo av pasta, tvær stórar ost og skinku tvíflísar við majones og orkudrykkir afturvið.
Nátturði: hálvt kilo av pasta við carbonara sós, eina stóra pitsa og orkudrykkir afturvið.
Tað gevur umleið 10.000 kaloriur ella tað sama sum 5 manns hava tørv fyri. Men tá venur Phelps eisini 5 tímar og brennur umleið 1.000 kaloriur hvønn tíma undir venjing. Phelps brennur fleiri kaloriur bara við at sita, enn tá vanlig fólk ganga. Í fylgi MESS etur Pál 12.000 kaloriur.
Pál í MESS
Pál Joensen er í nýggjasta blaðnum MESS. MESS er ókeypis ungdómsblað hjá SMS og er at finna ókeypis á netinum. Tað finst eisini sum pdf (16.3 mb). Í blaðnum stendur m.a.
“…tað er undir alt lágmark at ikki ber til hjá føroyskum svimjarum at vera við í OL”.
Continue reading Pál í MESS
Lær bringusvimjing av Alexander Dale Oen
OL silvur vinnarin í 100 bringu, norski Alexander Dale Oen, vísir teknikk í nøkur video brot í Dagbladet. M.a. hvussu hann vendir, nakað hann hevur vant nógv í ár.