bartal

Rok í hylinum

Aftaná almenni parturin av FM 2013 var avgreiddur byrjaði afturvendandi bardagin rundanum hylin, har svimjarir vístu snildi, styrki og ‘teamwork’. Til tey sum undrast í hvør kláraði at koppa formannin í hylin, so var tað Pál 🙂

Video frá morgun kappingunum í FM 2013

Allir riðlarnir frá morgun kappingunum í síðstu viku eru at finna her, skipað í tíðarrað. Nøvn á svimjarunum síggjast við at trýsta á “i” ovast til høgru í videorútinum.

Continue reading Video frá morgun kappingunum í FM 2013

Video av Rein Haljand test

Her eru nakrar upptøkur frá leygarmorgunin, tá Rein og Holger Haljand vitjaðu í Gundadali.

Í videobrotinum er:
0:00 Róland Toftum (1998), Suðuroyar svimjifelag – frísvimjing
0:26 Birita Debes (1995), Ægir – ryggsvimjing
Continue reading Video av Rein Haljand test

Bólturin um úrslitini í Føroyum og í Íslandi

Rókur var at hoyra í útvarpsendingini “Bólturin” seinnapartin í gjár, har hann tók samanum úrslitini hjá Óla Mortensen og Bartali Hestoy á íslendsku meistarastevnuni og frá metinum hjá Poulu Ø. Mohr í 100 firvald, umframt at fortelja eitt sindur um komandi kappingar í Føroyum og uttanlanda.

Poula Ø. Mohr 1:01.93 og føroyskt met í 100 firvald

Poula Øssursdóttir Mohr úr HS setti í dag nýtt føroyskt met í 100 metra firvald fyri kvinnur, tá ið hon á HS-stevnuni í Gundadali svam teinin uppá 1:01.93. Birita Debes úr Ægir átti gamla metið, ið var 1:02.75, sum hon setti í Klaksvík í november. Her síggja vit Poulu á geil 4, longst burtur, svimja mótir Kristinu Eliasen á geil 3, eisini úr Havnar Svimjifelag.

Video frá HS stevnuni

Her eru riðlar frá í morgun. Fleiri koma aftrat seinni.

Tekniskt brek í 200 bringu

HS-stevnan byrjaði í morgun eftir ætlan, og riðlarnir blivu avgreiddir skjótt sum teir plaga. Men tá kapping 3, ið var 200 bringusvimjing hjá kvinnum, byrjaði, hoyrdist “Taki støðu” hjá startdómarinum illa í hátalarinum. Tveir svimjarir stóðu eftir á skamlunum, tá startskotið ljóðaði. Riðilin bleiv løtu seinni steðgaður.

Av úrslitum í morgun kann nevnast, at Birita Debes úr Ægir vann 50 rygg við tíðini 29.02, har metið hjá henni er 28.51. Alvi Hjelm (Ægir) vann 50 rygg og 100 blandað hjá monnum við ávikavist 29.11 og 1:02.71. Annika S. Olsen (HS) vann 200 bringu hjá kvinnum við tíðini 2:54.35. Poula Ø. Mohr (HS) vann 50 firvald og 100 blandað við ávikavist 28.74 og 1:05.46. Marius Ihlen Gardshodn (HS) vann 50 firvald og 400 frí hjá monnum við ávikavist 28.62 og 4:25.62. Victoria Wigant Eysturdal (Ægir) vann 400 frí hjá kvinnum við tíðini 4:36.66.

Kappingin byrjar aftur kl ~~16.30~~ 17.30 nú seinnapartin. Allir riðlarnir í morgun uttan tann fyrsti (50 rygg hjá kvinnum, riðil 1) verða í løtuni lagdir á Youtube, og síggjast seinni á svimjing.com.

Author: bartal