Danish Open 2018 byrjaði í dag, har Óli Mortensen nú seinnapartin skuldi royna seg í besta riðli í 800 metra frísvimjing. Og har varð tað til eitt silvurheiðursmerki til Óla, við tíðini 8:11.77 aftanfyri Alexander Aslak Nørgaard sum við tíðini 8:03.37 setti stórt danskt juniormet.
Continue reading Óli 8:11.77 og silvur í 800 frí á Danish Open 2018
BBC-verturin Mike Bushell ansaði ikki nóg væl eftir, tá ið hann skuldi gera eina samrøðu við bretskar svimjarar, nú á Commonwealth Games í Avstralia 😀
Í ovurmorgin byrjar Danish Open 2018, sum er stóra úttøkustevnan hjá dønum til altjóða meistarastevnur í summar, við luttøku av eisini svimjarum úr øðrum londum. Fyri Føroyar luttaka teir báðir Óli Mortensen og Alvi Hjelm, báðir við møguleika at taka heiðursmerki.
Svimjisamband Føroya fer í næstum undir stóra verkætlan saman við Fróðskaparsetrinum, til at byggja upp eina røð av standardtestum til føroyskar svimjarar. Hetta í samstarvi við Human Performance Lab á granskingardeplinum iNOVA og Københavns Universitet, og við fíggjarligum stuðli frá altjóða svimjisambandinum FINA.
Continue reading 1,2 milliónir til test av føroyskum svimjarum
Hervið innbjóðing til ein stuttan tíðindafund í ÍSF-húsinum í dag, týsdagin hin 10. apríl 2018 kl 10:30, um eitt spennandi nýtt fýraárasamstarv sum Setrið og Svimjisambandið eru farin undir at byggja upp eitt skipað testumhvørvi til føroyskar svimjarar við fíggjarligum stuðli frá altjóða svimjisambandinum FINA.
Vegna Fróðskaparsetrið og SSF
Sí eisini setur.fo
Her eru úrslitini frá svimjistevnuni í Páls Høll í Vági, nú leygardagin 7. og sunnudagin 8. apríl 2018, sum Suðuroyar Svimjfelag skipaði fyri. Ein stevna har vit millum annað fingu eitt nýtt føroyskt met og tvey føroysk juniormet.
Continue reading Úrslit frá SuSvim-stevnuni 7. og 8. apríl 2018
Her er innbjóðing til Aldursbólkameistarastevnuna 2018, sum Ægir og Svimjisamband Føroya skipa fyri í Klaksvíkar Svimjihøll, hin 10. til 12. mai 2018.
Hetta er stevnan sum fyrr æt JM/MU (JuniorMeistarastevnan og Meistarastevnan fyri Ung), sum nú er víðkað til eisini at hava ein seniorbólk.
Continue reading Innbjóðing til Aldursbólkameistarastevnuna 2018
Juniordreingirnir hjá Havnar Svimjifelag settu í dag stórt nýtt føroyskt met í 4×100 metra blandaðari svimjing á langgeil, tá ið teir á SuSvim-stevnuni í Vági svumu teinin uppá 4:27.12. SuSvim-dreingir áttu metið á 4:32.57, frá SuSvim-stevnuni í februar mánaða.
Teir sum settu metið fyri HS í dag, vóru Óðin Jákupsson (2002, 1:10.41 í 100 rygg), Bartal E. Eidesgaard (2003, 1:15.59 í 100 bringu), Johan N. Dam (2002, 1:02.02 í 100 firvald) og Høgni H. Thomassen (2002, 59.10 í 100 crawl).
Juniordreingirnir hjá Suðuroyar Svimjifelag settu í gjár stórt nýtt føroyskt juniormet í 4×100 metra frísvimjing á langgeil, tá ið teir á SuSvim-stevnuni í Vági svumu teinin uppá tilsamans 4:03.19. Ægir-dreingir áttu nú farna metið á 4:07.21, frá FM á langgeil í fjør.
Teir sum settu metið fyri SuSvim í gjár, vóru Bartal Debess (2002, 59.32), Rani Jacobsen (2001, 1:01.07), Rói Bech (2001, 59.17) og Rúni Bech (2002, 1:03.63).
