Signhild Joensen setti í morgun nýtt føroyskt met í 100 metra ryggsvimjing á langgeil, tá ið tann kappingin varð avgreidd á SuSvim-stevnuni í Páls Høll í Vági. Signhild átti sjálv nú farna føroyska metið á 1:03.38, frá Danish Open í fjør. Signhild svimur fyri Ægir í Klaksvík.
Óli Mortensen luttók nú seinnapartin í finalu á Swim Open Stockholm 2018, og megnaði har at svimja seg til eitt 7. pláss í 1500 metra frísvimjing, við nýggjum persónligum meti á 15:37.57.
Hetta var 2 tíggjundapartar skjótari enn hansara til nú besta tíð, sum var 15:37.77 frá HM í Budapest í fjør summar. Og tí eisini væl betri, tí at tíðin tá var aftaná fulla
niðurtrapping.
Continue reading Óli 15:37.57 og nr 7 í 1500 frí á Swim Open Stockholm 2018
Óli Mortensen skal nú seinnapartin royna seg í 1500 metra frísvimjing á Swim Open Stockholm 2018, við 8. bestu tíð av teimum tilsamans umleið 45 í hesi kapping. Hann lá upprunaliga til at verða beint uttanfyri skjótasta riðil, men kom nú inn vegna frámeldingar hjá øðrum svimjarum.
Skjótasti riðil sæst til dømis í svenska Eurosport, umframt sum stroyming her. Tað er eingin ivi um at kappingin verður sera hørð, nú luttakararnir eru til dømis ukrainski Mykhaylo Romanchuk sum vann silvur á HM í Budapest í fjør summar, og Sergiy Frolov og Wojciech Wojdak sum vóru í finaluni eisini tá.
Kunngerð í KVF, nú á døgverða – “Í samband við umvælingar, verður svimjihøllin í Gundadali stongd allan dagin, frá mánadegnum 9.apríl og minst 14 dagar fram. Boðað verður frá, tá opið verður aftur.”
Lesið eisini her á torshavn.fo
Tey eru byrjað at kappast á Swim Open Stockholm 2018, har Óli og Alvi í morgun skuldu royna seg í innleiðandi 400 metra frísvimjing.
Og her dró Alvi longra stráið av teimum báðum, við at svimja 4:07.82 og 32. skjótastu tíð av 98 luttakarum, meðan Óli við 4:10.52 varð nr 38.
Tað kravdi eitt 16. pláss at koma víðari til finalurnar seinnapartin, og kunnu teir tí spara seg til næstkomandi dagar.
Sviar skipa nú 5. til 8. apríl fyri Swim Open Stockholm 2018, har eisini føroyingar luttaka. Óli Mortensen fer at royna seg í 400, 800 og 1500 frí, meðan Alvi Hjelm fer at royna seg í 400 frí umframt 200 og 400 blandað.
Her eru úrslitini frá svimjistevnuni í Svimjihøllini í Gundadali, nú fríggjakvøldið hin 23. og leygardagin hin 24. mars 2018, sum Havnar Svimjifelag skipaði fyri.
Tey vóru 86 íðkarar og 22 lið úr 5 feløgum sum kappaðust tilsamans 353 ferðir í 28 kappingum, hesar 3 stevnupartarnar, har SuSvim menn settu føroyskt met í 4×50 blandað, og Róland Toftum føroyskt met í 50 bringu.
Úrslitini síggjast eisini her á livetiming.se
Her er innbjóðing til SuSvim-stevnu í Páls Høll í Vági, leygardagin hin 7. og sunnudagin hin 8. apríl 2018, sum Suðuroyar Svimjifelag skipar fyri. Hetta er opin stevna, tað vil siga fyri allar aldursbólkar og uttan bólkabýti.
Róland Toftum setti fyri løtu síðani stórt nýtt føroyskt met í 50 metra bringusvimjing á stuttgeil, tá ið hann á HS-stevnuni í Gundadali svam teinin uppá 28.62 sekund. Pauli Ø. Mohr átti føroyska metið á 28.87, frá HS-stevnu í 2012. Róland svimur fyri Suðuroyar Svimjifelag, og eigur eisini føroyska metið í 50 metra bringusvimjing á langgeil, á 29.43 frá Danish Open 2017.
(Niels Juel Arge filmaði)
Ein hópur hjá Ægir fóru nú fríggjamorgunin til Danmarkar á venjingarlegu, at koma aftur seint sunnukvøldið, fyrsta páskadag. Svimjararnir eru úr ymiskum liðum hjá Ægir, og hartil er Sára R. Nysted úr Suðuroyar Svimjifelag við á ferðini.
