Author: rokur

SuSvim harrar 1:50.96 og nýtt føroyskt met í 4×50 blandað

Suðuroyingar settu í dag nýtt føroyskt met í 4×50 metra blandaðari svimjing fyri menn, tá ið liðsvimjing hjá Suðuroyar Svimjfelag svam teinin uppá 1:50.96. Teir sum svumu vóru Bartal Debess 30.02 í 50 rygg, Rani Jacobsen 30.97 í 50 bringu, Róland Toftum 24.68 í 50 firvald og Rói Bech 25.29 í 50 frí.

SuSvim-harrar føroyskt met í 50 frí. Frá vinstru: Bartal Debess, Róland Toftum, Rani Jacobsen og Rói Bech

Havnar Svimjfelag átti nú farna metið á 1:51.97, frá Ægir-stevnu í februar 2012, og vóru svimjararir tá Markus Joensen 28.61 í 50 rygg, Pauli Ø. Mohr 30.16 í 50 bringu, Bartal Hestoy 27.51 í 50 firvald og Óli Mortensen 25.69 í 50 frí.

Úrslitalistin sæst her á livetiming.dk

Markus til Monaco at lesa og svimja

Markus Joensen er fluttur til suðurevropeiska býstatin Monaco, har hann er byrjaður uppá víðari lesnaða í búskaparfrøði, umframt at hann venur við besta liðnum hjá A.S. Monaco Natation.

Markus í svimjihøllini Stade Louis II – Piscine Olympique Albert II í Monaco, saman við venjara sínum Michel Pou

Continue reading Markus til Monaco at lesa og svimja

Svimjiførleikakanningin 2018 sett í verk

Svimjisamband Føroya sendir í hesum døgum oyðubløð út til allar føroyskar skúlar, til føroysk skúlabørn í fimta flokki at fylla út. Hetta er endurtøka av líknandi kanning í 2011 við spurningum, sum eru líkir teimum, ið verða settir eisini í grannalondum sum Danmark og Noregi.

Continue reading Svimjiførleikakanningin 2018 sett í verk

Landsliðið til Bergen Swim Festival 2018, heldur enn Danish Open

Sum flestum kunnugt, so er vandi fyri stórum verkfalli ella verkbanni á danska arbeiðsmarknaðinum, um somu tíð sum Danish Open 2018 skal vera í Keypmannahavn. Svimjisamband Føroya hevur tí tikið avgerð um heldur at senda úttiknu svimjarar til Bergen Swim Festival 2018, sum í ár er sama vikuskifti sum Danish Open.

Continue reading Landsliðið til Bergen Swim Festival 2018, heldur enn Danish Open

Landsliðslega í Vági 16. til 18. mars 2018

Svimjisamband Føroya skipar í hesum døgum fyri landsliðslegu í Páls Høll í Vági, fyri teimum svimjarum sum hava klárað kravtíð til Danish Open 2018. Hesuferð eru tað høvuðsvenjararnir úr teimum feløgum har svimjararnir til dagliga venja, sum skipa fyri sjálvari venjingini á landsliðsleguni, umframt at Pál Joensen er komin heim at geva burturav sínum royndum sum úrvalssvimjari á heimssstøði.

Continue reading Landsliðslega í Vági 16. til 18. mars 2018

Úrslit frá SuSvim-stevnuni á Tvøroyri 17. mars 2018

Her eru úrslitini frá svimjistevnuni í svimjihylinum á Tvøroyri í dag, sum Suðuroyar Svimjifelag skipaði fyri. Hetta var stevna fyri okkara yngstu aldursbólkar, og fyrstu ferð í mong ár at stevna aftur var á Tvøroyri.

Óli silvur eisini í 400 frí á Trofeu CN Sabadell 2018

Óli Mortensen megnaði aftur í dag at vinna sær silvurheiðursmerki á Trofeu CN Sabadell 2018, tá ið hann í 400 frí svam teinin uppá 3:58.88, sum hartil er undir kravtíð til Evropameistarastevnuna í Glasgow í august. Alvi Hjelm royndi seg eisini í finalu, nú seinnapartin, og varð har nr 7 í 400 blandað, við tíðini 4:36.44.

Alvi og Óli í Sabadell

Føroysk úrslit á Trofeu CN Sabadell 2018

Her lista vit upp føroysk úrslit á Trofeu CN Sabadell – IV Memorial Paulus Wildeboer, har teir báðir Óli Mortensen og Alvi Hjelm royndu seg. Óli vann í gjár silvur í 1500 metra frísvimjing, og Alvi bronsu í 200 blandað, umframt at Óli í dag vann silvur í 400 frí.

Alvi bronsu í 200 blandað á Trofeu CN Sabadell 2018

Continue reading Føroysk úrslit á Trofeu CN Sabadell 2018