Author: rokur

Mannagongd ísv átakið “Klárar tú 200?”

Her er mannagongdin sum vit hava gjørt til hesa nýggju svimjiroynd SSF, sum er kjarnan átakinum “Klárar tú 200?”.

SSF-mannagongd-Svimjiroynd-SSF-Klarar_tu_200m.pdfDownload

Har er eitt tilhoyrandi oyðublað, til at fáa at vita í øllum førum hvar royndin varð klárað, umframt gjarna eisini føðiár, kyn og heimbýur ella -bygd hjá svimjaranum.

Svimjarin má gjarna vera ónevndur, um hann ella hon ynskir tað. Har er tó enn møguleiki at geva upp navn, um svimjarin velur tað.

Í móti endanum stendur heldur knortlut, at møguligt gjald má fáast inn, áðrenn nálin verður handað. Har er bara einki gjald, í ár 🙂

Annars sera stuttligt at uppliva tann áhuga sum er fyri hesum tiltaki, og ta vælvild sum vit uppliva í svimjihallunum.

Við svimjikvøðu

Rókur

Klárar tú 200? – Nýtt átak til at betra um svimjiførleikan í Føroyum

Svimjisamband Føroya fer nú undir eitt átak til at fáa so nógvar føroyingar sum gjørligt at kanna, um teir klára at svimja 200 metrar uttan íhald ella hjálpitól. Ein serlig nál er gjørd til tey sum prógva hetta, og var sjálvur Løgmaður hin fyrsti at gera tað.

Løgmaður klárar 200. Lis Gøthe í Jákupsstovu eigur myndina
Continue reading Klárar tú 200? – Nýtt átak til at betra um svimjiførleikan í Føroyum

Eitt heilt ókey NM/NJM 2021

Nú er føroyska svimjilandsliðið á veg heim aftur úr Svøríki, og eru tey heilt væl nøgd. Vit vistu at kappingin fór at verða hørð, men svumu okkara tó í heilum skjótari enn sínar bestu tíðir, og annars ofta nær teimum.

Elisabeth Erlendsdóttir vann silvur í 50 rygg við nýggjum juniormeti, og hartil bronsu í 100 rygg, og fleiri fingu hartil roynt seg í finalu.

NM/NJM-landsliðið 2021. June Jónsveinsdóttir eigur myndina
Continue reading Eitt heilt ókey NM/NJM 2021

Elisabeth 2:14.29 og bronsa í 200 rygg á NJM 2021

Elisabeth Erlendsdóttir svam seg fyri løtu síðani til flott bronsuheiðursmerki á Norðurlendsku JuniorMeistarastevnuni 2021, tá ið hon í finaluni í 200 metra ryggsvimjing svam teinin uppá 2:14.29. Hetta er næsta heiðursmerki sum hon vinnur á hesi stevnu, har hitt fyrra var silvur í 100 metra rygg í gjár.

Elisabeth bronsu í 200 rygg á NJM 2021. June Jónsveinsdóttir eigur myndina

Sí úrslitalistan her. Splitt-tíðirnar siga sína egnu søgu, at hon var nr 6 aftaná fyrstu 50 metrarnar, og enn nr 6 aftaná 100 metrar, áðrenn hon dró seg fram til eitt 4. pláss aftaná 150 metrar, og so spurtaði til bronsuna, seinastu 25.

Elisabeth er úr Havnar Svimjifelag

Elisabeth og Ró víðari til finalur, 3. dag á NM/NJM 2021

Síðstu innleiðandi riðlar vórðu avgreiddir nú í morgun á Norðurlendsku Meistarastevnuni og JuniorMeistarastevnuni 2021, har Elisabeth Erlendsdóttir megnaði at koma víðari til juniorfinaluna í 200 rygg, og Ronja Ró í Dímun til seniorfinaluna í 100 frí.

Hartil skal føroyska kvinnustafettin í 4×100 frí eisini royna seg, tá ið síðstu finalur verða avgreiddar, seinnapartin.

Sviar stroyma beinleiðis frá finalunum frá kl 15 í dag, her á livetiming.se

Image courtesy of I99pema/Wikimedia Commons, CC BY-SA 4.0
Continue reading Elisabeth og Ró víðari til finalur, 3. dag á NM/NJM 2021

Upp og niður, næsta dag á NM/NJM 2021

Tað gekk eitt sindur upp og niður hjá føroysku svimjarunum, hendan næsta dagin við innleiðandi riðlum á Norðurlendsku Meistarastevnuni og JuniorMeistarastevnuni 2021, sum er í Upplands Väsby í Svøríki.

Image courtesy of I99pema/Wikimedia Commons, CC BY-SA 4.0
Continue reading Upp og niður, næsta dag á NM/NJM 2021

Elisabeth skjótast í innleiðandi 100 rygg

Elisabeth Erlendsdóttir koyrir á har eysturi í Upplands Väsby – í morgun var hon skjótast av øllum teimum 25 sum luttóku í innleiðandi 100 metra ryggsvimjing, har næstskjótasti juniorur var Vilma Leppähaara úr Finnlandi við 1:02.34, og skjótasti juniorur Veronika Olem úr Estlandi við 1:01.99. Sí úrslitalistan her

Continue reading Elisabeth skjótast í innleiðandi 100 rygg