Evropeiska svimjisambandið LEN kunngjørdi nú á innleiðandi tíðindafundi áðrenn EM á stuttgeil 2017, at har verður stroyming frá stevnuni. Eg spurdi eitt sindur nærri, og skilji at tað er á hesari rásini á Dailymotion, sum eisini er at finna umvegis heimasíðuna hjá LEN, www.len.eu
Author: rokur
Beinleiðis úrslit frá EM á stuttgeil 2017
Her er leinki til ‘live timing‘ og úrslit frá EM á stuttgeil 2017, sum verður í Royal Arena í Keypmannahavn nú mikudag 13. til og við sunnudag 17. desember.
So er tað EM á stuttgeil 2017
Í morgin byrjar sjálv svimjistevnan á EvropaMeistarastevnuni á stuttgeil 2017, sum danir saman við LEN skipa fyri í Royal Arena í Keypmannahavn. Føroyski hópurin er komin upp á pláss, og er farin undir síðstu fyrireikingar.
Her eru nakrar myndir frá fyrstu venjing hjá okkum í EM-hylinum í gjár …
Óli greitt besti svimjari á NM/NJM 2017
Óli Mortensen snøgt sagt ‘kom, sá og sigraði’, tá ið hann í síðstu viku luttók á Norðurlendsku Meistarastevnuni 2017. Hóast hann luttók bara í éinari kapping, og vegna tíðarneyð mátti skera av ferðini í báðum endum, so endaði tann luttøkan við at verða greitt besta avrik av øllum, á hesum NM/NJM.
Olympiska rásin um tá Michael Phelps vann 8 gull á OL í Beijing 2008
Góð video her
So er vatn í EM-hylinum í Royal Arena
Evropeiska svimjisambandið LEN skrivar her um tilgongdina at gera nýggja Royal Arena í Keypmannahavn klára til EM á stuttgeil 2017, at tey nú hava fylt hylin við teimum neyðugu tveimum milliónum litrum av vatni.
Tey verða 548 svimjarar sum fara at luttaka á hesum EM, har vertstjóðin Danmark hevur størsta hópin á 38 svimjarar, og Italia hin næststørsta við 36 svimjarum. Sí startlistarnar her á len.eu
Sí eisini euroswim2017.com og facebook.com/euroswim2017
Signhild føroyskt met og norðurlendskur meistari í 200 rygg
Signhild Joensen megnaði í gjárkvøldið at gerast norðurlendskur meistari í 200 ryggsvimjing, samstundis sum hon við tíðini 2:09.32 setti stórt nýtt føroyskt met og juniormet. Sí úrslitalistan her
Signhild átti sjálv metini á 2:10.11, frá FM á stuttgeil í mars 2017, og er harvið eisini fyrsta føroyska kvinna undir 2:10 í 200 metra ryggsvimjing.
Vár 2:02.18 og føroyskt met í 200 frí
Vár Erlingsdóttir Eidesgaard megnaði í gjár at seta nýtt føroyskt met og juniormet í 200 metra frísvimjing, tá ið hon sum fyrsti svimjari í 4×200 frí liðsvimjingini hjá føroyingum svam teinin uppá 2:02.18. Sára Ryggshamar Nysted átti metini á 2:02.60, frá Oyggjaleikum á Jersey í 2015. Sí úrslitalistan her.
Signhild 28.75 og føroyskt juniormet í 50 rygg
Hetta hendi í gjár, tá ið tær kappaðust í finaluni í 50 metra ryggsvimjing, á Norðurlendsku Meistarastevnuni 2017. Signhild Joensen úr Ægir svam teinin uppá 28.75 sekund, har Birita Debes átti føroyska juniormetið á 29.00 sekund, frá FM 2010. Sí úrslitalistan her.
Vár 56.98 og føroyskt met í 100 frí
Vár Erlingsdóttir Eidesgaard megnaði fyri løtu síðani at seta nýtt føroyskt met og juniormet, tá ið hon í finaluni á NM/NJM 2017 svam teinin uppá 56.98 sekund. Sí úrslitalistan her.
Vár átti sjálv føroyska metið á 57.09, frá FM í november mánaða, og er harvið eisini fyrsta føroyska kvinna undir 57 sekund á 100 metra teininum.