Føroysku svimjararnir eru komnir væl frá byrjan, nú á Norðurlendsku Meistarastevnuni og JuniorMeistarastevnuni 2017, sum er í Laugardalslaug í Reykjavík. Eitt er at Óli vann gull og Signhild bronsu, men hartil eru tey nógv sum hava betrað um sínar bestu tíðir. Sí yvirlit av SwimRankings
Author: rokur
Óli 15:02.27 og gull í 1500 frí á NM 2017
Óli Mortensen megnaði á fyrsta degi av NM/NJM 2017 at vinna sær norðurlendskt gullheiðursmerki í 1500 metra frísvimjing, tá ið tann kappingin varð avgreidd í Laugardalslaug í Reykjavík.
Hetta í stórum stíli við nýggjum persónligum meti á 15:02.27, frammanfyri danska Alexander Aslak Nørgaard á 15:10.34 og svenska Mattias Glenesk á 15:27.35.
Óli og Alexander høvdu sum kunnugt eina øgiliga holmgongu á hesum teini á DM á stuttgeil herfyri, har Alexander endaði við at draga longra stráið í endaspurtinum. Men nú á NM var eingin endurtøka av hesum, við tað at Óli longu frá 200 dró væl frá hinum.
Sí úrslitalistan her. Besta tíð hjá Óla var 15:10.09 áðrenn hetta, frá HM á stuttgeil í Doha í 2014.
Signhild tvær ferðir føroyskt met, og bronsu á NM 2017
Signhild Joensen megnaði tvær ferðir at seta føroyskt met og juniormet í 100 metra ryggsvimjing, umframt at vinna sær norðurlendskt bronsuheiðursmerki á teininum, tá ið hendan kapping varð avgreidd nú á fyrsta degi av NM/NJM 2017 i Reykjavík.
Fyrst svam hon 1:00.91 í innleiðandi riðlunum um morgunin, til at kvalifisera seg til finaluna sama kvøld, og síðani betraði hon aftur um síni met til 1:00.50 í finaluni, sum rakk til bronsu í sera tættari kapping við donsku Sara Sylvest á 1:00.31 og Onnu Brandt Nielsen á 1:00.48.
Sí úrslitalistan her. Signhild átti sjálv føroyska metið og juniormetið á 1:01:00, frá Ægir-stevnu í oktober mánaða.
Heilsan úr Sanya
Stutt kunning um FINA Gala í Sanya
Stroyming frá NM/NJM 2017
Góð tíðindi – Íslendarar ætla sær at stroyma frá øllum stevnupørtum á NM/NJM, sí sundsamband.is
Úrslit frá FS-stevnuni 25. november 2017
Her eru úrslitini frá svimjistevnuni sum Fuglafjarðar Svimjifelag skipaði fyri, í svimjihylinum í Fuglafirði, leygardagin hin 25. november 2017. Hetta var stevna fyri okkara yngstu aldursbólkar – 1, 2 og 3.
Krista 5 heiðursmerki og skjótast á NM 2017
Av Facebook …
Stroyming frá NM 2017 í para-svimjing
Her er stroyming frá NM 2017 í para-svimjing, sum íslendingar skipa fyri í Ásvallalaug í Hafnarfirði
Eg fái hartil at vita í oyrasniglinum, at tey eru ikki bara Krista men trý sum eru til NM 2017 í parasvimjing
http://parasport.fo/triggir-foringar-luttaka-i-nm-i-parasvimjing-i-islandi/
Krista 5:20.12 og bronsu í 400 frí á NM 2017
Krista Mørkøre svam seg fyri løtu síðani til bronsuheiðursmerki á Norðurlendsku Meistarastevnuni í para-svimjing, við tíðini 5:20.12 í 400 metra frísvimjing. Hon var skjótast av øllum, men vann bronsu vegna onkra serliga skipan hjá paraítróttinum.
Krista til NM 2017 í Íslandi
Íslendingar skipa nú í vikuskiftinum fyri opnu Norðurlendsku Meistarastevnuni í para-svimjing, har eisini Krista Mørkøre luttekur. Stevnan er í Ásvallalaug í Hafnarfirði, 25. og 26. november 2017.