Svimjistevnan Køge Open 2017 byrjaði í gjárkvøldið, við innleiðandi riðlum og nøkrum beinleiðis finalum eisini. Og her megnaðu Kristina Skála úr Havnar Svimjifelag og Alisa Vestergård úr Suðuroyar Svimjifelag at vinna hvør síni tvey heiðursmerki.
Author: rokur
Frans 4:14.41 og danskur meistari í 400 blandað
Frans Johannessen vann í kvøld gull á DM á stuttgeil 2017, tá ið hann í finaluni svam teinin í tíðini 4:14.41. Alvi Hjelm varð nr 4 í tíðini 4:20.69.
Continue reading Frans 4:14.41 og danskur meistari í 400 blandað
DM-K 2017: Alvi og Frans í A-finalu í 400 blandað
Tey eru nú í gongd við næsta dag á donsku meistarastevnuni á stuttgeil 2017, har Alvi Hjelm og Frans Johannessen fyri løtu síðani royndu seg í innleiðandi 400 blandað. Og tað gekk bara væl – báðir komu víðari til besta riðil í kvøld, Frans eftir enntá við risa persónligum meti.
Continue reading DM-K 2017: Alvi og Frans í A-finalu í 400 blandað
DM-K 2017: Óli 7:53.68 og gull í 800 frí
Óli Mortensen vann fyri løtu síðani gull á donsku meistarastevnuni á stuttgeil 2017 – og Frans Johannessen silvur – tá ið finalan í 800 metra frísvimjing fyri menn varð avgreidd. Tíðin 7:53.68 er stórt nýtt persónligt met hjá Óla, í mun til hansara 7:57.56 frá tá ið hann vann gull í somu grein á DM á stuttgeil í fjør.
DM-K 2017: Magnus Jákupsson 53.63 í 100 blandað og undir kravið hjá dønum til EM á stuttgeil 2017
Magnus Jákupsson royndi seg fyri løtu síðani í DM-finaluni í 100 metra blandaðari svimjing, og vann har silvur við tíðini 53.63, har kravið hjá dønum til EM á stuttgeil 2017 er 53.83.
Daniel Skaaning vann gull við nýggjum donskum meti á 53.17, sum merkir at hann sjálvsagt eisini er úttikin til hesa grein á EM á stuttgeil 2017, sum verður í Keypmannahavn hin 13. til 17. desember.
FINA kunngjørt rættaðar kravtíðir til Hangzhou 2018
Altjóða svimjisambandið FINA kunngjørdi í dag nakrar rættingar til kravtíðirnar til HM á stuttgeil 2018, sum verður í Hangzhou í Kina frá 3. til 8. desember 2018. Sí viðfesta memo, har rættaðu tíðirnar eru frámerktar við gulum.
Í verandi løtu hava Óli og Signhild klárað kravdu tíðir.
Continue reading FINA kunngjørt rættaðar kravtíðir til Hangzhou 2018
DM-K 2017: Alvi 8:10.12 í 800 frí, Óli og Frans beint í skjótasta riðil í kvøld
Alvi Hjelm royndi seg fyri løtu síðani í 800 metra frísvimjing, á DM á stuttgeil 2017 Greve, og svam har teinin uppá 8:10.12. Besta tíð hjá honum nakrantíð er 8:08.37 frá DM í Gladsaxe í 2013, har hann tó seinastu árini serliga hevur miðsavnað seg um miðaltein og blandað.
Óli Mortensen svam ikki hendan teinin í morgun, tí at teir átta við bestu tilmeldingartíðum bíða til tann væntaða skjótasta riðil í kvøld. Og her hevur Óli so bestu tilmeldingartíð av øllum, 7:57.56 frammanfyri næstskjótasta Mads Holm á 8:06.13, og Frans Johannessen á 8:07.66.
DM-K 2017: Magnus Jákupsson 3. bestu tíð í innleiðandi 100 blandað
Magnus Jákupsson svam seg í morgun víðari til finalu á DM á stuttgeil 2017, tá ið hann í innleiðandi riðlunum í 100 metra blandaðari svimjing svam triðbestu tíð av teimum 34 luttakandi, 55.38 aftanfyri Daniel Skaaning á 54.01 og Simon Vingolf Larsen á 55.30. Sí úrslitalistan her.
Føroyingar í hópatali til Danmarkar at kappast
Hetta vikuskiftið fer ein rúgva av føroyskum svimjarum at kappast í Danmark, á donsku meistarastevnuni á stuttgeil, umframt á Køge Open 2017. Og útlit eru til heiðursmerki bæði her og har, í svimjihyljunum í Greve, Køge og Herfølge.
Continue reading Føroyingar í hópatali til Danmarkar at kappast
Innbjóðing til FS-stevnu 25. november 2017
Her er innbjóðing til FS-stevnu, leygardagin hin 25. november 2017, sum Fuglafjarðar Svimjifelag skipar fyri í svimjihylinum í Fuglafirði. Hetta er svimjistevna fyri okkara yngstu aldursbólkar – 1, 2 og 3. Continue reading Innbjóðing til FS-stevnu 25. november 2017